Zakariya 8:1-23
8 A mhaka ya Jehovha wa mabutho yi nota kambe, yi taku:
2 “Jehovha wa mabutho i ngalo: ‘Ndzi ta ti tsitsirita hi kota ya Ziyoni hi kutitsitsirita ka hombe;+ ndzi ta ti tsitsirita hi kota yakwe hi zanga ya hombe.’”
3 “Jehovha i ngalo: ‘Ndzi ta tlhela Ziyoni,+ ndzi ya hanya Jerusalema.+ A Jerusalema gi ta vitaniwa ku i dhoropa ga lisine,*+ ni citsunga ca Jehovha wa mabutho, a citsunga ci basileko.’”+
4 “Jehovha wa mabutho i ngalo: ‘A zvikhosana zva cinuna ni zva cisati zvi ta tlhela zvi tshama lomu maprasa* ya Jerusalema, loyi ni loyi na a hi ni chetengelo wakwe canjeni gakwe hi kota ya wukale.*+
5 Lomu maprasa ya dhoropa ku ta tala hi vafana ni vanhanyana va hlakanako.’”+
6 “Jehovha wa mabutho i ngalo: ‘Hambu loku a mhaka leyi yi wonekisa ku khwatsi ya karata nguvhu ka misalela ya vanhu lava ka masiku lawo, ina yi fanele ku wonekisa ku khwatsi ya karata nguvhu ni ka minawu ke?’, ku wula Jehovha wa mabutho.”
7 “Jehovha wa mabutho i ngalo: ‘Ndzi ta ponisa a vanhu va mina hi ka matiko ya mutsuwuka-gambo ni mupela-gambo.+
8 Ndzi ta va wuyisa, niku va ta tshama Jerusalema;+ va tava vanhu va mina, mina ndzi tava Nungungulu wabye+ hi lisine* ni kululama.’”
9 “Jehovha wa mabutho i ngalo: ‘Tiyisani mandla ya n’wina,*+ n’wina mu zwako a timhaka leti ti wuliwako hi vaphrofeti,+ ku nga timhaka taleti ti nga wuliwa hi siku legi ku nga zimiwa a ciseketelo ca yindlu ya Jehovha wa mabutho kasi ku akiwa a tempeli.
10 Hakuva na ci nga se chikela a cikhati leco, a vanhu ni zvihari va wa tira va nga hakhelwi;+ zvi wa hi ni mhango a ku huma ni ku nghena hi kota ya nala, hakuva ndzi wa mahile a vanhu vontlhe va vhukelana hi ca ka vona.’
11 “‘Kanilezvi, makunu, ka misalela ya vanhu lava, ndzi nga ta maha zvo fana ni lezvi ndzi nga maha masikwini ya kale’,+ ku wula Jehovha wa mabutho.
12 ‘Hakuva ku ta byaliwa a mbewu ya kurula; a vhina* wu ta pswala mihandzu ya wona, a misava yi ta humesa a pfuno wa yona,+ ni matilo ma ta nyika a ndzhokati. Zvontlhe lezvi ndzi ta nyika a misalela ya vanhu lava zviva tshomba yabye.+
13 A ku khwatsi hi lezvi mu ngava ciruko cikari ka matiko,+ n’wina yindlu ya Judha ni yindlu ya Izrayeli, ndzi ta mu ponisa niku mu tava cikatekiso.+ Mu nga chavi!+ Tiyisani mandla ya n’wina.’*+
14 “Hakuva Jehovha wa mabutho i ngalo: ‘“A ku khwatsi hi lezvi ndzi nga bohile ku mu nehela khombo hi kota ya lezvi a vakokwani va n’wina va nga ndzi zangarisa, ndzi nga ti layi”,+ ku wula Jehovha wa mabutho,
15 “ni zvalezvi kambe ndzi bohile a ku mu mahela zvazvinene Jerusalema ni yindlu ya ka Judha.+ Mu nga chavi!”’+
16 “‘Lezvi mu faneleko ku maha hi lezvi: Wulawulani lisine ka mun’we ni mun’wani;+ a kulamula lomu tinyangweni ta n’wina ku wa vhuvhumise lisine ni kurula.+
17 Mu nga luki timbilwini ta n’wina a cikungo co vhukelana,+ mu nga randzi a kuhlambanya ka mawunwa,+ hakuva zvontlhe lezvo zvilo ndzi zvi vengako’,+ ku wula Jehovha.”
18 A mhaka ya Jehovha wa mabutho yi no engeta yita ka mina, yi taku:
19 “Jehovha wa mabutho i ngalo: ‘A kupfhunga* ka hweti ya wumune,+ ni kupfhunga ka hweti ya wutlhanu,+ ni kupfhunga ka hweti ya wu 7,+ ni kupfhunga ka hweti ya wu 10,+ zvi tava zvikhati zva ku giyagiya ni litsako ka yindlu ya ka Judha — yi tava mibuzo ya kutsaka.+ Hikwalaho, randzani a lisine ni kurula.’
20 “Jehovha wa mabutho i ngalo: ‘Ga hata siku laha ku tota a vanhu ni vahanyi va madhoropa yo tala.
21 A vahanyi va dhoropa gin’we va taya ka vahanyi va dhoropa gin’wani va yaku: “A hi yeni, a hi fambeni hi ya khongotela a wuxinji ga Jehovha, hi hlota Jehovha wa mabutho. Minawu ndzi ta famba.”+
22 A vanhu vo tala ni matiko ya ntamu va tata va ta hlota Jehovha wa mabutho lomu Jerusalema+ ni ku khongotela a wuxinji ga Jehovha.’
23 “Jehovha wa mabutho i ngalo: ‘Ka masiku lawo, a 10 wa vavanuna va humako ka tirimi tontlhe ta matiko,+ va ta khoma, ina, va ta khoma a nguwo* ya muJudha* zvi tiya, vaku: “Hi lava ku famba na n’wina,+ hakuva hi zwile lezvaku Nungungulu i na n’wina.”’”+
Mitlhamuselo ya lahasi
^ Kutani: “kutsumbeka”.
^ Hi kukongoma: “hi kota ya kutala ka masiku”.
^ Kutani: “kutsumbeka”.
^ Kutani: “Tiyani hlanha”.
^ A vhina i sinya leyi yi pswalako mauvha.
^ Kutani: “Tiyani hlanha”.
^ Kutani: “kujejuwara”.
^ Kutani: “a choka ya nguwo”.
^ Hi kukongoma: “ya wanuna wa muJudha”.