Zefaniya 1:1-18
1 Leyi i mhaka ya Jehovha yi ngata ka Zefaniya,* a n’wana wa Kuxi, a n’wana wa Gedhaliya, a n’wana wa Amariya, a n’wana wa Hezekiya, masikwini ya Josiya,+ a n’wana wa Amoni,+ a hosi ya Judha:
2 “Ndzi ta lovisa zvontlhe zvi nga laha misaveni zvi ku bhi”, ku wula Jehovha.+
3 “Ndzi ta lovisa a vanhu ni zvihari.
Ndzi ta lovisa a zvinyanyani zva matilo ni tinjhanjhi ta bimbi,+Ni zvikhunguvanyiso*+ zvin’we ni vakubiha;Ndzi ta fuvisa a vanhu laha misaveni”, ku wula Jehovha.
4 “Ndzi ta nawuluta a canja ga mina ndzi vhukela JudhaNi vontlhe vahanyi va Jerusalema.Ndzi ta swiyela zvontlhe zva Bhaali zvi seleko ka wutshamu legi,+Ni vito ga vapristi va vanungungulu va vamatiko zvin’we ni vapristi,+
5 Ni lava va khizamako le hehla ka tiyindlu va khozela a butho ga matilo,+Ni lava va khizamako va hlambanya ku tsumbeka ka Jehovha+Seno na va hlambanya ku tsumbeka ka Malkamu;+
6 Ni lava va fularelako Jehovha va tsika ku mu landzela+Ni lava va nga hlotiko Jehovha kutani ku mu wutisa nchumu.”+
7 Miyelani mahlweni ka Jehovha, a Hosi ya Hombe, hakuva a siku ga Jehovha gi laha kusuhani.+
Jehovha i longisele muphahlo; i basisile lava a va rambileko.
8 “Hi siku ga muphahlo wa Jehovha ndzi ta tsayisa tihosana,Ni vana va hosi,+ ni vontlhe lava va bohako tinguwo ta vamatiko.
9 Hi siku lego, ndzi ta tsayisa vontlhe lava va kandzihako laha ciluvelweni,*Lava va tatako a yindlu ya hosi yabye hi tihanyi ni kukhohlisa.
10 Hi siku lego”, ku wula Jehovha,“Ku ta zwala a huwa ya cirilo Nyangweni ya Tinjhanjhi,+Ni cirilo ca hombe Dhoropeni Giswa,*+Ni guwa ga hombe zvitsungeni.
11 Rilani, n’wina vahanyi va Maktexi,*Hakuva a vaxavisi vontlhe va fuvisilwe;*Vontlhe lava va nga peza a prata va lovisilwe.
12 Ka cikhati leco, ndzi ta hlolisisa Jerusalema hi tikandiya,Ndzi ta tsayisa vontlhe lava va tshamileko va ku njha, va ti byelako lezvi timbilwini tabye:‘Jehovha a nga ta maha zvazvinene, ne a nga ta maha zvakubiha.’+
13 A titshomba tabye ti ta phangiwa, ni tiyindlu tabye ti ta hahluliwa.+
Va ta aka tiyindlu, kanilezvi va nga ta tshama ka tona;Va ta rima zvivhina,* kanilezvi va nga tanwa a vhinyo ya kona.+
14 A siku ga hombe ga Jehovha gi laha kusuhani!+
Gi laha kusuhani, ga tshinela hi kuhatlisa nguvhu!+
A guwa ga siku ga Jehovha ga bava.+
Ka siku lego, a musochwa i ta ponga.+
15 A siku lego i siku ga zanga,+I siku ga kukarateka ni hlomulo,+I siku ga cingulo ni kuhahlula,I siku ga kuphuma ni munyama,+I siku ga marefu ni munyama wo tshisa,+
16 I siku ga linanga* ni huwa ya yimpi,+Ga ku vhukela madhoropa ma vhikelweko khwatsi ni tikhokhola* ti tlakukileko ta laha khoneni.+
17 Ndzi ta va vangela hlomulo a vanhu;Va ta fambisa ku khwatsi zvikhumu,+Hakuva hi Jehovha va nga mu wonhela.+
A nkhata wabye wu ta chululiwa a ku khwatsi i ntshuri,Ni nyama* yabye a ku khwatsi i swanyi.+
18 A prata yabye ni ouro yabye zvi nga ta va ponisa ka siku ga zanga ya Jehovha;+Hakuva a misava yontlhe yi ta hisiwa hi ndzilo wa kutitsitsirita kakwe,+Hakuva i ta lovisa a vaaki vontlhe va misava, ina, i ta va lovisa hi ndlela yo tshisa.”+
Mitlhamuselo ya lahasi
^ Zvi wulako ku: “Jehovha i fihlile (i vekile tshomba)”.
^ Zvi nga maha na ku wuliwa a zvibya kutani mitiro yi nga yelana ni ku khozela zvifananiso.
^ Kutani: “palco”. Zvi nga maha na ku wuliwa laha ku nga hi ni citshamu ca wuhosi.
^ Kutani: “Cipandzeni ca Wumbiri ca dhoropa”.
^ Zvi nga maha na ku wuliwa a wutshamu ga Jerusalema kusuhani ni Nyangwa ya Tinjhanjhi.
^ Hi kukongoma: “va miyetilwe”.
^ A zvivhina masimu ya tisinya leti ti pswalako mauvha.
^ Kutani: “torres”.
^ Kutani: “khombela”.
^ Hi kukongoma: “marumbu”.
