Zefaniya 2:1-15
2 Hlengeletanani, ina, hlengeletanani,+N’wina tiko gi nga zwiko tingana.+
2 Na ci nga se tatiseka a cileletelo,Na gi nga se hundza a siku a ku khwatsi i mungu,*Na yi nga se mu tela a zanga yi vhurako ya Jehovha,+Na gi nga se mu chikelela a siku ga zanga ya Jehovha,
3 Hlotani Jehovha,+ n’wina n’wentlhe vanhu vo rula* va misava,N’wina lava mu ingisako a zvileletelo zvakwe zvo lulama.*
Hlotani kululama, mu hlota kurula.*
Kuzvilava mu ta* fihliwa sikwini ga zanga ya Jehovha.+
4 Hakuva Gaza i tava dhoropa gi tsikilweko;Axkeloni i ta maha rumbi.+
Axdhodhe i ta hlongoliwa ni mumu,Na Ekroni i ta tsuwuliwa.+
5 “Khombo ka lava va hanyako mbhirini ya bimbi, a tiko ga vaKereti!+
A mhaka ya Jehovha ya mu vhukela.
Wena Khanani, a tiko ga vaFilistiya, ndzi ta ku lovisa,U nga sali ne ni muaki mun’we.
6 A mbhiri ya bimbi yi tava wuriselo,Gi nga ni tihlowo ta varisi ni maranga* ya tiyivhu.
7 Gi tava tiko ga lava va seleko va yindlu ya ka Judha;+Va ta gela lomo.
Ni wusiku va ta etlela lomu tindlwini ta Axkeloni.
Hakuva Jehovha, a Nungungulu wabye, i ta va alakanya,*A va tlhelisela a vanhu vabye va nga khomilwe.”+
8 Ndzi ci zwile a ciruko ca Mowabhi+ ni tihlamba ta va ka Amoni,+Lava va rukateleko a vanhu va mina va tlhela va ti kulisa va vhukela tiko gabye.+
9 Hikwalaho, a ku khwatsi hi lezvi ndzi hanyako”, ku wula Jehovha wa mabutho, a Nungungulu wa Izrayeli,“Mowabhi i ta fana ni Sodhoma,+Ni va ka Amoni va ta fana ni Gomora:+A wutshamu ga mimizwa, ni hlowo ya munyu, ni ciwula ca kala kupindzuka.+
A misalela ya vanhu va mina yi ta va phanga,Ni misalela ya tiko ga mina yi ta va tekela a tshomba yabye.
10 Lezvi hi zvona va to zvi kuma hi kota ya matshandza yabye,+Hakuva va rukatele a vanhu va Jehovha wa mabutho va tlhela va ti kulisa kabye.
11 Jehovha i ta chavisa kabye;Hakuva i ta lovisa a vanungungulu vontlhe va misava,Niku a zvihlale* zvontlhe zva matiko zvi ta mu khizamela,*+A cin’we ni cin’we na ci hi wutshan’wini ga cona.
12 Na n’winawu vaEtiopia mu ta hihiritiwa hi cipadha ca mina.+
13 I ta nawuluta a canja gakwe tlhelweni ga n’walungu* a lovisa Asiriya;Ninivha i ta mu maha rumbi,+ a woma a ku fana ni ciwula.
14 A mitlhambi yi ta etlela cikari kakwe, a tixaka tontlhe ta zvihari zva khwati.*
A gumba* ni nungu* zvi ta etlela cikari ka tihloko ta mapilari yakwe.
A gezu gi ta yimbelela laha janeleni.
Ku tava ni kuhahlulwa laha cipimbitsini;Hakuva i ta funungula a mapulangu ya sedhare.
15 Legi i dhoropa ga matshandza gi nga tshamile kuruleni,Gi nga kari gi ti byela lezvi mbilwini ya gona: ‘Hi mina basi, a ku na mun’wani.’
Hi nga wona lezvi gi nga mahisa zvona nchumu wo tshisa,Giva wutshamu ga ku etlela a zvihari zva khwati!Ni wihi a to hundza hi laho i taba noti, a ninginisa cibhakela cakwe.”+
Mitlhamuselo ya lahasi
^ A mungu hi lezvi zvi humako a cikhati leci va tsutsutako timbewu.
^ Kutani: “vo ti koramisa”.
^ Hi kukongoma: “a kulamula kakwe”.
^ Kutani: “kutikoramisa”.
^ Kutani: “Zvi nga maha mu”.
^ Kutani: “maranga ma akilweko hi maribye”.
^ Kutani: “hlayisa”.
^ Kutani: “khozela”.
^ Kutani: “ilhas; zvilundzo zva mati”.
^ Kutani: “norte”.
^ Hi kukongoma: “zvontlhe a zvihari zva tiko”.
^ Kutani: “pelicano”.
^ Kutani: “porco-espinho”.
