CIWUTISO 1
Himani Nungungulu?
“A vanhu va wa zvi tive lezvaku wena, loyi a vito ga wena ku nga Jehovha, hi wena wece u Tlakukileko ku Hundza Vontlhe misaveni yontlhe.”
“Tivani lezvaku Jehovha i Nungungulu. Hi yena a nga hi vanga, hina hi vakwe.”
“Hi mina Jehovha. Lego hi gona a vito ga mina; a ndzi nyikeli a wukulu ga mina ka mun’wani, ne hambu a wudzundzo ga mina ka zvifananiso zvi kehlilweko.”
“Ni wihi a khongelako vitweni ga Jehovha i ta ponisiwa.”
“Kunene, a yindlu yin’we ni yin’wani yi akiwa hi wokari, kanilezvi loyi a akileko zvilo zvontlhe hi Nungungulu.”
“Tlakusani a matihlo ya n’wina tilweni mu cuwuka. Himani a nga vanga zvilo lezvi? Hi Loyi a zvi humesako hi butho ga zvona, hi ntsengo; loyi a vitanako zvontlhe hi mavito. Hi kota ya ntamu wakwe wa hombe ni wukulu gakwe go hlamalisa, ci hava ci vhumalekako ka zvona.”
Hi alakanya ku u ta zvi tsakela
TIGONDZO-TSHINYA TA BHIBHILIYA
Nungungulu i na ni vito?
Nungungulu i ni zvikhundla zvo tala, a ku patsa ni leci caku Nyamintamu, Muvangi, ni Hosi. Kanilezvi a vito ga Nungungulu gi kumbukiwa 7 000 wa makhati ni kuhundza lomu ka Bhibhiliya.
