CIWUTISO 5
A Bhibhiliya gi wulawula hi yini?
“Ndzi ta veka wulala cikari ka wena ni wasati, ni cikari ka pswalo wa wena ni pswalo wa wasati. Yena i ta ku gandla hloko, wena u ta mu luma cirendze.”
“Kota lezvi u ingisileko a gezu ga mina, a matiko wontlhe ya laha misaveni ma ta katekisiwa hi laha ka pswalo wa wena.”
“A wute Mufumo wa wena. A kurandza ka wena ku wa mahiwe, le tilweni ni laha misaveni konawu.”
“Hakuva Nungungulu loyi a nyikako kurula i ta gandla Sathani lahasi ka mikondzo ya n’wina zvezvanyana.”
“Kanilezvi a cikhati leci a zvilo zvontlhe zvi to vekiwa lahasi kakwe, a N’wana yenawu i ta ti veka lahasi ka Loyi a vekileko a zvilo zvontlhe lahasi kakwe, kasi Nungungulu ava zvontlhe ka vontlhe.”
“Makunu a zvitsumbiso zvi no wuliwa ka Abrahama ni ka pswalo wakwe . . . , yena Kristu. Ahandle ka lezvo, loku mu lumba Kristu, hakunene mu pswalo wa Abrahama”.
“A mufumo wa misava wu mahile a Mufumo wa Hosi ya hina na Kristu wakwe; i ta fuma kota hosi kala kupindzuka ni kupindzuka.”
“Hikwalaho, dragawu loyi wa hombe i no hoxiwa lahasi, a nyoka leyi ya kale, yi vitaniwako ku hi Dhiyabho ni Sathani, loyi a kanganyisako tiko gontlhe; i no hoxiwa lahasi misaveni, niku a tingilozi takwe ti no hoxiwa zvin’we naye.”
“Yi no khoma dragawu, a nyoka leyi ya kale, a nga Dhiyabho ni Sathani, yi mu boha a 1000 wa malembe.”
