“Wena Bhetlehema Efrata, . . . hi ka wena ku ta huma loyi a to ndzi mahela hosi ya Izrayeli.”

Mika 5:2

“Andzhako ka loku Jesu a pswalilwe le Bhetlehema wa Judhiya masikwini ya hosi Herodhi, a vahlahluvi va tirisako tinyeleti va le Mutsuwuka-gambo va nota Jerusalema.”

Matewu 2:1

“Va avelene a tinguwo ta mina, vaba tihlolo va bela a nguwo ya mina.”

Lisimu 22:18

“Andzhako ka loku a masochwa ma belele Jesu laha mhandzeni, ma no teka tinguwo takwe ma ti avanyisa hi mune wa zvipandze . . . Kanilezvi a nghanju leyo yi wa nga rungiwangi, yi wa lukilwe kusukela hehla kala hasi. Ma no byelana, maku: ‘Hi nga handzuleni, a hi beni tihlolo kasi hi tiva ku yi tava ya mani.’”

Johani 19:23, 24

“Wa hlayisa a marambu yakwe wontlhe; a ku na rambu ni gin’we gi tshovilweko.”

Lisimu 34:20

“A cikhati leci ma nga chikela ka Jesu, ma no wona lezvaku i wa sina a file, hikwalaho a ma mu tshovangi minenge.”

Johani 19:33

“I no tlhaviwa hi kota ya zvihambunyeto zva hina”.

Isaya 53:5

“A gin’we ga masochwa gi no mu tlhava laha reveni hi tlhari, ku tekela ku huma nkhata ni mati.”

Johani 19:34

“Va no ndzi hakhela muholo wa mina wa 30 wa zvingerengere zva prata.”

Zakariya 11:12, 13

“Makunu a mun’we wa lava va 12, a vitaniwako ku hi Judhasi Iskariyoti, i noya ka vapristi lava va tihosana, a yaku: ‘Mu ta ndzi nyika yini loku ndzi mu nyikela ka n’wina ke?’ Va no mu tsumbisa a 30 wa zvingerengere zva prata.”

Matewu 26:14, 15; 27:5