Jeremia i nyikilwe ntiro wa ku tlharihisa vaJuda lezaku va wa hi kusuhani ni ku loviswa hi lezi va nga rivakelwe Jehova, a Nungungulu wabye. (Jer 13:25) Zi mahisile kuyini a kuza a tiko legi giva ka xiyimo lexi xa wusiwana hi tlhelo ga moya? A vaIsraeli va wa lahlekelwe hi kuzwanana kabye na Jehova. Zi wonekisa ku khwatsi a tihloko ta mingango ti wa nga ha lanzeli a wurangeli ga Jehova gi nga ka Deuteronome 6:5-7.

Loku a mingango yi tiyile hi tlhelo ga moya, a mabandla wonawu ma tiya. A tihloko ta mingango ti nga vuna mingango ya tona lezaku ti alakanya Jehova hi ku maha wukhozeli ga ngango go tsakisa viki ni viki. (Tis 22:27) Anzhako ka ku wona a vidiyu “A milayo leyi . . . yi tava mbilwini ya wena” — Kubhulisana ni mingango, hlamulani ziwutiso lezi:

• A mingango yo kari yi lwisile kuyini ni zikarato zo toloveleka zi colopetelako a wukhozeli ga ngango?

• Hi gihi wuyelo ga kuva ni wukhozeli ga ngango go tsakisa viki ni viki?

• Zikarato muni nzi kumanako nazo kasi ku maha wukhozeli ga ngango, niku nzi nga ti longiselisa kuyini kasi kulwa nazo?