Kusukela ka lembe legi, hi tava ni cikhati co tala ca ku ti longisela a Cialakanyiso ca kufa ka Jesu. Loku a siku ga Cialakanyiso gi hi lomu cikari ka vhiki, a Mutlhangano wa ntiro ni mahanyela wu nga ta mahiwa ka vhiki lego. Loku a siku ga Cialakanyiso gi kotlana ni kumbhela ka vhiki, a kanelo ya vanhu vontlhe ni Cigondzo ca Murindzeli a zvi nga ta vekiwa ka vhiki lego. U ta ci tirisa khwatsi a cikhati leco? A ku fana ni lezvi zvi nga maheka ka zana ga malembe go sangula, ni nyamutlha konawu hi fanele ku longisela a zvilo zvo kari zvi yelanako ni cimaho leci. (Luk 22:7-13; km 3/15 1) Kanilezvi hontlheni hi fanele ku longisela a timbilu ta hina. Hi nga zvi mahisa kuyini?

• Alakanyisisa hi lisima la ku u va kona ka Cialakanyiso. — 1Ko 11:23-26

• Khongela u tlhela u hlola a wuxaka ga wena na Jehovha. — 1Ko 11:27-29; 2Ko 13:5

• Lera u tlhela u ehleketa hi Mitsalo leyi yi wulawulako hi lisima la Cialakanyiso. — Joh 3:16; 15:13

A vahuweleli vo kari va hlawula ku landzela kulera ka Bhibhiliya ku yelanako ni Cialakanyiso ku kumekako ka cibhukwana Hlola Mitsalo siku ni siku va tlhela va ehleketa hi zvona. A van’wani va lera a mavhesi ya Bhibhiliya ma nga ka kwadru legi gi nga lahasi. A van’wani kambe va gondza tindzima ta Murindzeli ti wulawulako hi Cialakanyiso ni lirandzo leli Jehovha na Jesu va hi kombisileko lona. Kova ni gihi mahela u gi hlawulako, gi nga ku tshineta nguvhu ka Jehovha ni N’wana wakwe.