MAHANYELA YA WUKRISTU
Engetela wutlhari ga wena kuchumayeleni — Gondzisa zvigondzani a ku longisela
HIKUYINI ZVI NGA ZVA LISIMA?: Loku a zvigondzani zva Bhibhiliya zvi longisela zvi ta hatlisa ku zwisisa ni ku alakanya lezvi zvi gondzako. Laha va engetelako ku zwisisa ni ku alakanya lezvi va gondzako, va ta hatlisa ku kula hi tlhelo ga moya. Hambu loku na va bhabhatisilwe, zvi ta lava ku va simama ku longisela mitlhangano ni ntiro wa kuchumayela kasi va tshama na ‘va rindzele.’ (Mt 25:13) Hikwalaho, a ku tiva lezvi va faneleko ku gondzisa zvona ni kuva ni longoloko wu nene wa cigondzo, zvi ta va vhuna wutomini gontlhe. Na ca ha sangula cigondzo, hi fanele ku vhuna zvigondzani zva hina a kuva ni tolovelo wa ku longisela cigondzo cabye ca Bhibhiliya.
MAMAHELA YA KONA:
-
Veka cikombiso ci nene. (Ro 2:21) Longisela cigondzo cin’we ni cin’wani na u alakanyela cigondzani. (km 11/15 7) Mu kombe bhuku ga wena gi longiselweko
-
Mu kuce ku longisela. Loku a cigondzo ci tiyile, mu tlhamusele lezvaku a ku longisela zvi maha cipandze ca cigondzo ca Bhibhiliya, u tlhela u mu tlhamusela mabhindzu. Mu nyike mawonela ma vhunako ya lezvi a nga ci kumisako zvona cikhati ca ku longisela. A vamakabye vo kari va lomba cigondzani cabye a bhuku va longiseleko kasi ku va vhuna ku wona mabhindzu ya ku longisela. Mu dzundze loku a longisele
-
Mu kombe lezvi a nga longiselisako zvona. Na ca ha sangula a cigondzo, a vamakabye vo kari va tirisa cikhati contlhe ca cigondzo kasi ku komba zvigondzani zvabye lezvi va nga longiselisako zvona