Ku wulawula nguvu: U nga alakanyi ku hi wena u faneleko ku tlhamusela zontlhe. Jesu i lo tirisa ziwutiso kasi ku vuna vanhu lezaku va tirisa kupima kabye kala va chikelela magumo lawa ma lavekako. (Mt 17:24-27) A ziwutiso zi maha lezaku a xigonzo xi hanya zi tlhela zi ku vuna ku tiva lezi a xigonzani xa wena xi zi zwisisako ni ku zi kholwa. (be-T 253 ¶3-4) A xikhati lexi u mahako xiwutiso, rinzela kala a hlamula. Loku a xigonzani xi nyika hlamulo wo kala wu nga hi wona, u nga xi byeli a hlamulo wa kona, kanilezi xi guletele kala xi kuma hlamulo lowu wu lavekako hi ku xi maha ziwutiso zinwani. (be-T 238 ¶1-2) Wulawula hi zambo legi gi vumelelako xigonzani lezaku xi zwisisa zilo za ziswa. — be-T 230 ¶4.

Ku karatisa xigonzo: Ti wonele ku wela xiringweni xa ku hlawutela zontlhe u zi tivako xungetano hi mhaka leyo. (Jo 16:12) Yisa kupima ka mhaka-tshinya ya nzimana. (be-T 226 ¶4-5) A mitlhamuselo, hambu leyi yo nanziha, yi nga mbhonya timhaka-tshinya ti nga ha pimeki. (be-T 235 ¶3) Zalezi a xigonzani xi zwisisako a mhaka-tshinya, hunza uya ka nzimana yi lanzelako.

Ku gonzela ku mbheta ntsena: A kungo ga hina ku khumba mbilu, a hi ku gonzela ku mbheta ntsena. (Lu 24:32) Tirisa a ntamu wa Mhaka ya Nungungulu hi ku yisa kupima ka mitsalo-tshinya ya xigonzo lexo. (2 Kor 10:4; Mah 4:12; be-T 144 ¶1-3) Tirisa mifananiso yo olova. (be-T 245 ¶2-4) Chela kota hi lezi a xigonzani xi lwako nazo ni lezi xi zi kholwako zonake u zwananisa mahungu lawo ni xiyimo xakwe. Maha ziwutiso zo kota lezi: “U ti zwisa kuyini hi lezi u gonzako laha?” “A mahungu lawa ma hi gonzisa yini hi Jehova?” “U vunekisa kuyini hi ku tirisa wusungukati legi ke?” — be-T 238 ¶3-5; 259 ¶1