MAHANYELA YA WUKRISTU
Varisi va tirako kasi ku vhuneka vanhu va Jehovha
A vanhu vo tala a va va woni khwatsi lava va rangelako. Va na ni cigelo. Kale nguvhu a vanhu na va nga gi tirisi khwatsi a wuhosi gabye — va gi tirisela ku ti wundla. (Mika 7:3) A ho ku bonga hi lezvi a madhota lomu mabandleni ma gondzisiwako ku tirisa wutihlamuleli gabye kasi a vanhu va Jehovha va vhuneka. — Est. 10:3; Mat. 20:25, 26.
A kuhambana ni tihosi ta tiko legi, a vamakabye va ti karatela ku tira kota madhota hi ku randza Jehovha ni vanhu vakwe. (Joh. 21:16; 1 Ped. 5:1-3) A madhota ma rangelwa hi Jesu, ma vhuna vahuweleli vontlhe lezvaku vava ni wunghana go tiya na Jehovha va tlhela va tizwa na va nga lahlekangi laha ngangweni wa vakhozeli vakwe. Ma hatla ma vhuna tiyivhu ta Jehovha hi tlhelo ga moya loku zvi laveka ni loku ti babya hi citshuketi kutani loku ku humelela a khombo ga ntumbuluko. Loku u lava civhuno, zvi ngo yini ku u tsutsumela dhota go kari laha bandleni u ya kombela civhuno leco ke? — Jak. 5:14.
SIXTIRA VHIDHIO VARISI VA KHATALAKO HI TLHAMBI, U GUMESA U HLAMULA ZVIWUTISO LEZVI:
-
Mariana i vhunisilwe kuyini hi madhota?
-
Elias i vhunisilwe kuyini hi madhota?
-
A matshango lawa ma ku kuca ku u wu wonisa kuyini a ntiro wa madhota?
