CIGONDZO 01

A Bhibhiliya gi nga ku vhunisa kuyini wutomini ga wena?

BISA

Hontlheni ha ti wutisa ku hikuyini hi xanisekako, hikuyini hi fako, hi tlhela hi ti wutisa ku a wutomi gi ta tshamisa kuyini cikhatini ci tako. Ha karateka kambe hi zvilo zva siku ni siku zvo kota ku ndzi ta wu hlayisisa kuyini a ngango wa mina, kutani ku zvini zvi lavekako kasi hiva ni litsako laha ngangweni. A vanhu vo tala va polile lezvaku a Bhibhiliya ga hlamula zviwutiso zva lisima xungetano hi wutomi, gi tlhela gi nyika wusungukati gi vhunako wutomini ga siku ni siku. Hi lisine hontlheni hi nga vhuneka hi ku gondza Bhibhiliya.

1. Zviwutiso muni lezvi a Bhibhiliya gi hlamulako?

A Bhibhiliya ga hlamula zviwutiso lezvi zva lisima: Hita hi kwihi? Hi hanyela yini? Hikuyini a vanhu va xanisekako na va nga hi na nandzu? Zvini zvi humelelako loku munhu afa? A vanhu vontlhe va lava kurula, maku hikuyini ku nga ni tiyimpi? A misava leyi yi ta tshuka yi lova ke? A Bhibhiliya ga nyika mihlamulo ya zviwutiso lezvo, niku a vanhu vo tala va polile lezvaku a mihlamulo ya kona ya zwisiseka.

2. A Bhibhiliya gi nga hi vhunisa kuyini a ku kuma litsako wutomini?

A Bhibhiliya ga nyika wusungukati ga gi nene. Hi cikombiso, gi gondzisa mingango lezvi zvi lavekako kasi vontlhe va tsaka, gi tlhela gi hi byela lezvi hi faneleko ku maha loku hi karatekile, ni lezvi hi nga mahako kasi hi tsaka hi ntiro wa hina. Ka mabhulo ya hina u ta tiva lezvi a Bhibhiliya gi gondzisako xungetano hi timhaka leti ni tin’wani. U ta wona lezvaku “yontlhelele Mitsalo [yi nga lomu ka Bhibhiliya] . . . ya vhuna”. — 2 Timote 3:16.

A broxura legi a gi vhaleti Bhibhiliya. Kanilezvi gi ku kuca ku u hlola hi wece lezvi a Bhibhiliya gi gondzisako. Hikwalaho hi ku kuca lezvaku u lera yontlhe mitsalo yi wuyako ka broxura legi, u tlhela u yi fananisa ni lezvi u gondzako.

GONDZA ZVI ETA

U ta tiva lezvi a Bhibhiliya gi vhunisako zvona vanhu, lezvi u nga mahako kasi zvi ku tsakisa ku gi lera u tlhela u tiva ku hikuyini zvi nga zvi nene a ku vhuniwa hi van’wani kasi ku gi zwisisa.

3. A Bhibhiliya gi nga hi komba ndlela

A Bhibhiliya gi fana ni foki gi wonako khwatsi. Gi nga hi vhuna ku maha zviboho zva zvinene, gi tlhela gi hi komba lezvi zvi to maheka cikhatini ci tako.

Lerani Lisimu 119:105, mu gumesa mu bhula hi zviwutiso lezvi:

A mutsali wa lisimu leli i wa gi wonisa kuyini Bhibhiliya?
Wena ke, u gi wonisa?

4. A Bhibhiliya gi nga hlamula a zviwutiso zva hina

A wasati wo kari i polile lezvaku a Bhibhiliya ga hlamula zviwutiso lezvi zvi nga mu karata hi malembe. Bisani VHIDHIO, mu gumesa mu bhula hi zviwutiso zvi landzelako.

VHIDHIO: U nga tshuki u mbhelelwa hi kutsumba! (1:48)

Zviwutiso muni lezvi a wasati loyi a nga hi nazvo?
A ku gondza a Bhibhiliya zvi mu vhunisile kuyini?

A Bhibhiliya ga hi kuca ku maha zviwutiso. Lerani Matewu 7:7, mu gumesa mu bhula hi ciwutiso leci:

Zviwutiso muni u nga nazvo u tsakelako ku tiva hlamulo wa Bhibhiliya?

5. Zvi ta ku tsakisa ku lera Bhibhiliya

A vanhu vo tala zva va tsakisa ku lera Bhibhiliya niku zva va vhuna. Bisani VHIDHIO, mu gumesa mu bhula hi zviwutiso zvi landzelako.

VHIDHIO: Ku lera Bhibhiliya (2:05)

A vaswa lava va ti zwisa kuyini hi ku lera?
Hikuyini va zvi randzako ku lera Bhibhiliya?

A Bhibhiliya gi wula lezvaku gi nga hi gondzisa zvilo zvi to hi chavelela, zvi tlhela zvi hi nyika kutsumba. Lerani Va Le Roma 15:4, mu gumesa mu bhula hi ciwutiso leci:

Zva ku tsakisa ku tiva lezvaku a Bhibhiliya gi tsumbisa ku hi chavelela gi tlhela gi hi nyika kutsumba?

6. A van’wani va nga hi vhuna ku zwisisa Bhibhiliya

Ahandle ka ku ti lerela a Bhibhiliya voce, a votala va polile lezvaku a ku gondza ni van’wani zva vhuna nguvhu. Lerani Mitiro 8:26-31, mu gumesa mu bhula hi ciwutiso leci:

Hi nga mahisa kuyini kasi hi zwisisa a Bhibhiliya?—Wona vhesi 30 ni 31.

A wanuna wa le Etiyopia i kombele ku vhuniwa kasi a zwisisa Mitsalo. Nyamutlha kambe, a vanhu vo tala va polile lezvaku a ku gondza Bhibhiliya ni van’wani zva vhuna nguvhu

A VOKARI VE: “A ku gondza Bhibhiliya ku ti mbhetela sikira hi ku funya.”

U nga va hlamula yini? Hikuyini?

REZUMO

A Bhibhiliya ga nyika wusungukati gi vhunako wutomini ga siku ni siku, ga hlamula zviwutiso zva lisima, gi tlhela gi chavelela vanhu ni ku va nyika kutsumba.