CIGONDZO 02
A Bhibhiliya gi hi tsumbisa wutomi go tsakisa cikhatini ci tako
Misaveni yontlhe, a vanhu va kumana ni zvikarato zvi va mahako va karateka, va nga tsaki va tlhela va rila hi kuzwa kubayisa. U tshuka u ti zwisa lezvo wutomini ga wena? Kuzvilava laha u nga kona wa karateka hi kota ya mababyi kutani hi ku felwa hi munhu u mu randzako. U nga ha ti wutisa ku: ‘Xana a zvikarato lezvi zvi ta tshuka zvi mbhela?’ A Bhibhiliya gi hlamula ciwutiso leci hi magezu yo tiyisa.
1. Magezu muni yo tiyisa lawa a Bhibhiliya gi hi byelako?
A Bhibhiliya gi tlhamusela ku hikuyini ku nga ni zvikarato zvo tala, gi tlhela gi hi byela a mahungu ya manene ya ku zvezvanyana a zvikarato zvontlhe zvi ta mbhela. Gi hi byela ku ‘hi nga tsumba a masiku ma ha tako’. (Lera Jeremia 29:11, 12.) A zvitsumbiso zva Bhibhiliya zvi nga hi vhuna ku timisela a zvikarato zva hina hi tlhela hi tsaka, zvezvi ni kala kupindzuka.
2. A Bhibhiliya gi tsumbisa wutomi go tshamisa kuyini?
A Bhibhiliya gi wula lezvaku cikhatini ci tako “ku nga ta hava ni kufa, hambu ni hlomulo, kutani kurila, ni kubayisa”. (Lera Kuvhululelwa 21:4.) A zvikarato lezvi zvi xanisako vanhu nyamutlha, zvo kota wusiwana, wubihi, mababyi ni kufa, zvi nga ta hava kona. A Bhibhiliya gi tsumbisa lezvaku a vanhu va ta hanya wutomi go tsakisa paradhiseni kwalaha misaveni.
3. U nga tiyisekisa kuyini lezvaku lezvi a Bhibhiliya gi tsumbisako zvi ta maheka?
A vanhu vo tala va rindzela ku a zvilo zvi chukwata ka masiku ma ha tako, hambulezvo a va tiyiseki ku lezvo hakunene zvi ta maheka. Kanilezvi lezvi a Bhibhiliya gi tsumbisako zvi ta maheka futsi. Hi nga tiyisa kukholwa ka hina hi ku “hlola khwatsi Mitsalo siku ni siku”. (Mitiro 17:11) Laha u yako u gondza Bhibhiliya, u ta zvi kota a ku ti mahela ciboho ha wece ca ku wa kholwa kutani a wu kholwi lezvi a Bhibhiliya gi zvi wulako.
GONDZA ZVI ETA
Wona zvilo zvo kari lezvi a Bhibhiliya gi tsumbisako ku zvi ta maheka cikhatini ci tako, u tlhela u wona lezvi a zvitsumbiso zva Bhibhiliya zvi vhunisako zvona vanhu nyamutlha.
4. A Bhibhiliya gi hi tsumbisa ku hanya kala kupindzuka na hi nga ha xaniseki
Wona zvitsumbiso zvi landzelako zva Bhibhiliya. Hi zvihi zvi ku tsakisako nguvhu? Hikuyini?
Lerani mitsalo yi nga ka citsumbiso cin’we ni cin’wani, mu gumesa mu bhula hi zviwutiso lezvi:
-
A mitsalo leyi ya ku vhuna? U alakanya ku a maxaka ni vanghana va wena vonawu va nga vhuneka hi ku gondza mitsalo leyi?
Hi nga ti alakanyela na u hanya ka misava yaku
|
A KU NA MUNHU . . . |
A VANHU VONTLHE . . . |
|---|---|
|
|
|
|
|
|
|
|
|
|
5. A zvitsumbiso zva Bhibhiliya zvi nga ku vhuna ku wona wutomi hi ndlela yin’wani
A vanhu vo tala va mbhela ntamu va tlhela va bayiseka hi ku wona zvikarato zvi nga kona lomu tikweni. A vokari va kulula va n’watseka na va zama ku mbheta zvikarato lezvo. Wona lezvi a citsumbiso ca Bhibhiliya caku a zvikarato zvi ta mbhela ci vhunisako zvona vanhu nyamutlha. Bisani VHIDHIO, mu gumesa mu bhula hi zviwutiso zvi landzelako.
-
Zvilo muni zva hava zvi nga karata Rafika?
-
Hambu lezvi a cikarato leco ci nga kalile ku hundza, a Bhibhiliya gi mu vhunisile kuyini?
A zvitsumbiso zva Bhibhiliya zvi nga hi vhuna ku hi nga mbheli ntamu, hi tlhela hi tsaka hambu loku hi kumana ni zvikarato. Lerani Mavingu 17:22 ni Va Le Roma 12:12, mu gumesa mu bhula hi zviwutiso lezvi:
-
U zvi wonisa kuyini, u alakanya ku a ku kholwa lezvi a Bhibhiliya gi tsumbisako zvi nga ku vhuna ku hanya na u tsakile zvezvi? Hikuyini?
A VOKARI VE: “Lezvi a Bhibhiliya gi wulako go mahela ku hi mbuwatela basi.”
-
Hikuyini zvi nga zvi nene a ku hlola hi wece u tiva a lisine la kona?
REZUMO
A Bhibhiliya ga hi nyika kutsumba gi tlhela gi hi vhuna ku timisela zvikarato hi ku hi tsumbisa wutomi go tsakisa cikhatini ci tako.
Zviwutiso zva ku kuvhuxeta
-
Hikuyini zvi nga zvi nene ku a vanhu va tiva zvitsumbiso zva Nungungulu?
-
Zvini lezvi a Bhibhiliya gi wulako xungetano hi wutomi cikhatini ci tako?
-
A ku tiva lezvaku a wutomi gi ta tsakisa cikhatini ci tako, zvi nga ku vhunisa kuyini zvezvi?
GONDZA ZVIN’WANI
Wona lezvi a zvitsumbiso zva Bhibhiliya zvi nga ku vhunisako zvona loku u kumana ni zvikarato.
“Kutsumba — u nga ku kuma kwihi?” (Khindlimuka! wa 22 ka Abril wa 2004)
Wona lezvi a zvitsumbiso zva Bhibhiliya zvi nga vhunisako zvona lava va nga ni mababyi yo kala ma nga hundzi.
A cikhati u sixtirako a vhidhio leyi, zama ku ti alakanyela wena ni ngango wa wena na mu hanya paradhiseni legi a Bhibhiliya gi tsumbisako.
Wona lezvi a wutomi ga wanuna wo kari a nga zama ku cica tiko gi nga cicisa zvona laha a nga tiva a zvitsumbiso zva Bhibhiliya.
“A ndza ha ti rwexi ndzhwalo wa ku cica tiko” (A Murindzeli wa 1 ka Julho wa 2013)
