Xipanze 4
I wuyelo muni va gi kumileko hi ku ingisa Satani?
Adamu na Eva a va ingisangi Nungungulu, hikwalaho va lofa. Genesisi 3:6, 23
Eva i lo ingisa a nyoka zonake aga a hanzu. Anzhako ka lezo i lo nyika Adamu, yenawu i loga.
Lezi va zi mahileko zi wa bihile — zi wa hi xionho. Nungungulu i lo va hlongola mutini wabye wa Paradise.
A wutomi gi lo va binzela, zinwe ni vana vabye. Va lo khosahala va guma vafa. A va mahangi tinguluve; va wa nga ha hi kona.
A ku fana ni ntshuri, a vafileko a va hanyi. Genesisi 3:19
Hontlheni hafa hakuva hita hi ka Adamu na Eva. A vafileko a va zi koti ku wona, kuzwa kutani ku maha nchumu. — Mutshawuteli 9:5, 10.
Jehova i wa nga lavi lezaku a vanhu vafa. Lokuloku i ta vuxa a vafileko. Loku va mu ingisa, va ta hanya kala kupinzuka.
