Potsa a mikhuwo yihi ni yihi yi nga zwananiko ni Biblia. A ku maha lezo zi lava kutiya-hlana.

U nga ti ngheniseli ka wupolitika ga matiko hakuva a gi seketeli Jehova ni Mufumo wakwe.

 Famba mitlhanganweni ya Timboni ta Jehova hi kukhanzakanya; tona ti ta ku vuna a ku tshinela ka Nungungulu.

Simama u gonza xungetano hi Nungungulu u tlhela u ti karatela ku lanzela a milayo yakwe.

Loku a kukholwa ka wena ku tiyile, u fanele ku hendleleta a wutomi ga wena ka Jehova u tlhela u bapatizwa. — Mateu 28:19.

Ingisa Nungungulu. Gonza a Biblia u tlhela u kombela a Timboni ta Jehova lezaku ti ku vuna a ku gi zwisisa. Hanya hi lezi u zi gonzako. Loku u maha lezo, u ta hanya kala kupinzuka. — Tisimu 37:29.