Xipanze 8
Xana a kufa ka Jesu ku ku khumbisa kuyini?
Jesu i lofa kasi hi kuma wutomi. Johani 3:16
Masiku manharu anzhako ka kufa ka Jesu, a vavasati vo kari va lo ya kamba a xilahla xakwe va xi kuma na xi hi phanga. Jehova i wa vuxile Jesu hi ka vafileko.
Hi nzhako Jesu i lo woneka ka vapostoli vakwe.
Hakunene Jehova i wa vuxile Jesu kasi a hanya kota xivangwa xa moya xa ntamu ni xi nga fiko. A vapizani va Jesu va mu wonile na a tlakukela tilweni.
Nungungulu i lo vuxa Jesu a tlhela a mu maha Hosi ya Mufumo wa Nungungulu. Danieli 7:13, 14
Jesu i lo nyikela a wutomi gakwe kasi ku hakhela a nzhiho wa ku tirula vanhu. (Mateu 20:28) Hi ku tirisa a nzhiho lowo, Nungungulu i hi vululela a ndlela ya kuva hi kuma a wutomi ga pinzukelwa.
Jehova i yimisile Jesu kota Hosi kasi a fumela misava. I ta fuma zinwe ni 144.000 wa vanhu vo tsumbeka lava va vuxiwako laha misaveni kasi ku ya hanya le tilweni. Jesu ni lava va 144.000 va wumba a mufumo wo lulama wa le tilweni — wu nga Mufumo wa Nungungulu. — Kuvululelwa 14:1-3.
A Mufumo wa Nungungulu wu ta hunzula misava yiva paradise. A yimpi, wugevenga, wusiwana, ni ndlala, zi nga ta hava kona. A vanhu va tava ni kutsaka ka lisine. — Tisimu 145:16.
Hi alakanya ku u ta zvi tsakela
TIGONDZO-TSHINYA TA BHIBHILIYA
Hikuyini Jesu a fileko?
A Bhibhiliya gi wula lezvaku a kufa ka Jesu kuve ka lisima nguvu. Kanilezvi, xana a kufa kakwe kuve ni kungo go kari?
CIALAKANYISO
Alakanya kufa ka Jesu
Hi ku ramba lezvaku uva kona ka cimaho leci ca lisima nguvhu. U ta gondza lezvi a wutomi ga Jesu ni kufa kakwe zvi nga ku vhunisako zvona.
MABHUKU NI MABROXURA
Xana a vafileko va zi kota ku tlhela va hanya hakunene?
Xana wa tshuka u felwa hi a ranzekako? A xitsumbiso xi chavelelako xa Biblia xi nga ku vuna.
