Xipanze 2
Hi mani Nungungulu wa lisine?
Ku na ni Nungungulu munwe ntsena wa lisine, a vito gakwe hi Jehova. (Tisimu 83:18) Yena munhu wa Moya; a hi zi koti ku mu wona. Wa hi ranza niku i lava lezaku hi mu ranzawu. Yena kambe i lava lezaku hi ranza vanwani. (Mateu 22:35-40) Yena hi loyi a Hunzeleleko Kutlakuka, a Muvangi wa zilo zontlhe.
A xivangwa xo sangula xa Nungungulu kuve munhu wa moya wa ntamu loyi laha misaveni a nga vitaniwa a ku hi Jesu Kristu. Jehova i vangile tingelosi kambe.
Jehova i vangile zilo zontlhe le tilweni . . . ni laha misaveni. Kuvululelwa 4:11
Jehova Nungungulu i vangile tinyeleti, misava, ni zontlhe zi nga ka yona. — Genesisi 1:1.
Yena i wumbile Adamu, a wanuna wo sangula, hi ntshuri wa misava. — Genesisi 2:7.
Hi alakanya ku u ta zvi tsakela
TIGONDZO-TSHINYA TA BHIBHILIYA
Nungungulu i na ni vito?
Nungungulu i ni zvikhundla zvo tala, a ku patsa ni leci caku Nyamintamu, Muvangi, ni Hosi. Kanilezvi a vito ga Nungungulu gi kumbukiwa 7 000 wa makhati ni kuhundza lomu ka Bhibhiliya.
