Xipanze 3
Gi wa tshamisile kuyini wutomi paradiseni?
Jehova i lo nyika Adamu na Eva a zilo zo tala za zi nene. Genesisi 1:28
Jehova i wumbile a wasati wo sangula, Eva, a mu nyikela ka Adamu lezaku ava sati wakwe. — Genesisi 2:21, 22.
Jehova i va vangile na va hi ni mapimo ni mimiri yo mbhelela, na va nga hi na xihoxo.
A muti wabye wa Paradise wu wa hi simu ga Edeni — gi nga hi wutshamu go saseka nguvu gi nga hi ni congo, tisinya ta mihanzu ni zihari.
Jehova i wa wulawula navo ni ku va gonzisa. Loku va wa mu ingisile, na va hanyile kala kupinzuka ka Paradise misaveni.
Nungungulu i lo va beletela kuga a mihanzu ya yinwe ya tisinya. Genesisi 2:16, 17
Jehova i kombile Adamu na Eva a sinya yinwe ya mihanzu lomu sinwini a tlhela a va byela lezaku loku va yiga, va tafa.
A yinwe ya tingelosi yi lo hluwukela Nungungulu. A ngelosi leyo yi hluwukileko hi Satani Diabolus.
Satani i wa nga lavi lezaku Adamu na Eva va ingisa Jehova. Hikwalaho i lo tirisa a nyoka kasi ku byela Eva lezaku loku aga a hanzu wa sinya leyo, a nga tafa, kanilezi i ta fana na Nungungulu. Kuveni lezo zi wa hi mawunwa. — Genesisi 3:1-5.