Xipanze 6
Xini hi gonzako ka ntalo wa hombe?
Nungungulu i lo lovisa a vakubiha kanilezi a ponisa Noa ni ngango wakwe. Genesisi 7:11, 12, 23
Ku lona vula hi 40 wa masiku, na yina a wusiku ni mumu, hikwalaho a mati ma lo fenengeta a misava yontlhe. A vanhu vontlhe va kubiha va lofa.
A tingelosi to hluwuka ti lo tsika a mimiri ya tona ya nyama ti hunzuka madimoni.
Lava va nga hi lomu tarwini va lo pona. Hambu lezi Noa ni ngango wakwe va nga guma vafa, Nungungulu i ta va vuxa lezaku va hanya kala kupinzuka.
Nungungulu i ta lovisa kambe a vakubiha a tlhela a ponisa a vanhu va va nene. Mateu 24:37-39
Satani ni madimoni va ha simama ku khohlisa vanhu.
Inyamutlha, a ku fana ni masikwini ya Noa, a vanhu vo tala va ala a wurangeli ga Jehova ga liranzo. Lokuloku Jehova i ta lovisa vontlhe a vakubiha. — 2 Pedro 2:5, 6.
A vanhu vo kari va fana na Noa. Va ingisa Nungungulu va tlhela va maha lezi a zi wulako; a vanhu lavo Timboni ta Jehova.
Hi alakanya ku u ta zvi tsakela
MABHUKU NI MABROXURA
Himani Loyi Hakunene a Fumelako Misava?
A Biblia ga komba loyi hakunene a nga yena a fumelako zilo ni xigelo xa kuva hi tiva a mhaka leyo.
