Xini a Mufumo wa Nungungulu?
Xana u taku . . .
-
i nchumu wu nga mbilwini ya wena?
-
mawulawulela yo fananisa?
-
mufumo wa le tilweni?
LEZI A BIBLIA GI ZI WULAKO
“Nungungulu wa le tilweni i ta vuxa a mufumo wu to kala wu nga lobyiswi.” — Danieli 2:44.
“Hi nyikilwe a nisanyana, a wuhosi gi vekilwe makatleni yakwe.” — Isaya 9:6.
LEZI U ZI BHINZULAKO HI KU KHOLWA LEZO
-
U ta fumelwa hi mufumo wo lulama lowu wu zi kotako ku ku vuna wena wutsumbu. — Isaya 48:17, 18.
-
Misaveni yiswa yi tako, u ta kuma wutomi go mbhelela ni litsako. — Kuvululelwa 21:3, 4.
XANA LEZI A BIBLIA GI ZI WULAKO ZA TSUMBEKA HAKUNENE?
Ina, hi zigelo zimbiri hi wutsongwani ga kona:
-
Jesu i kombile lezi a Mufumo wa Nungungulu wo to zi maha. Jesu i gonzisile a valanzeli vakwe a ku khongela va kombela lezaku a Mufumo wa Nungungulu wuta ni lezaku a kuranza ka Nungungulu ku mahiwa laha misaveni. (Mateu 6:9, 10) Jesu i kombile lezi a mukhongelo lowu wu to hlamuliswa zona.
A xikhati lexi a nga hi laha misaveni, Jesu i gisile lava va nga hi ni ndlala, a hanyisa vababyi a tlhela a vuxa lava va nga file! (Mateu 15:29-38; Johani 11:38-44) Kota Hosi yi nga wa ta yimiswa ya Mufumo wa Nungungulu, Jesu i kombile lezi a Mufumo wu to zi mahela a vafumelwi va wona. — Kuvululelwa 11:15.
-
Lezi zi mahekako misaveni zi komba lezaku a Mufumo wa Nungungulu wu tata lokuloku. Jesu i profetile lezaku xikhatanyana mahlweni ka ku a Mufumo wu tisa kurula misaveni, a misava ya hina yi wa ta tala hi tiyimpi, tindlala ni kutsekatseka ka misava. — Mateu 24:3, 7.
Ha zi wona a zilo lezi zontlhe na zi maheka inyamutlha. Hikwalaho, ha zi kota ku tsumba lezaku lokuloku a Mufumo wa Nungungulu wu ta fuvisa a zikarato zontlhe lezi.
ALAKANYELA LEZI
Xana a wutomi gi ta tshamisa kuyini a xikhati lexi a Mufumo wa Nungungulu wu to ngha na wu fuma?
A Biblia ga hlamula a xiwutiso lexi ka TISIMU 37:29 ni ka ISAYA 65:21-23.
Hi alakanya ku u ta zvi tsakela
TIGONDZO-TSHINYA TA BHIBHILIYA
Cini a Mufumo wa Nungungulu?
Ntirweni wakwe wa ku Chumayela, Jesu i wulawulile nguvu hi Mufumo wa Nungungulu a ku hundza ni yihi mhaka. Hi malembe yo tala a valandzeli vakwe va kari va khongela lezvaku a Mufumo lowo wuta.
A MURINDZELI
Zvini lezvi a Mufumo wa Nungungulu wu to maha?
Jesu i wa zvi tiva lezvaku Mufumo wa Nungungulu basi wu nga zvi kotako ku mbheta a zvikarato laha misaveni. Zvini lezvi a Mufumo wa Nungungulu wu sinako wu zvi mahile kasi ku tiyisa a kutsumba ka hina?
HI HINA VAMANI?
Hikuyini u faneleko ku gondza Bhibhiliya?
A Bhibhiliya ga hlamula a zviwutiso zva lisima zva vanhu va timiliyoni misaveni yontlhe. Wa zvi lava kuva mun’we wabye?
TIGONDZO TA BHIBHILIYA
Pima ku gondza Bhibhiliya na hina
Gondzisiwa a Bhibhiliya mahala na mu gondza a cigondzo cin’we hi khati.
