“Nungungulu . . . I ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa.” — Kuvululelwa 21:3, 4.

U ta tiva lezaku Nungungulu a hi yena muvangi wa zikarato za hina. — Jakobe 1:13.

U ta chavelelwa hi ku tiva lezaku Nungungulu wa karateka hi kuxaniseka ka hina. — Zakaria 2:8.

U ta chavelelwa hi ku tiva lezaku a kuxaniseka kontlhe ku ta mbhela. — Tisimu 37:9-11.

Ina, hi zigelo zimbiri hi wutsongwani ga kona:

• Nungungulu wa venga a kuxaniseka zinwe ni lava va ku vangako. Wona lezi Jehova a ti zwisileko zona xikhatini xa kutsaliwa ka Biblia laha a vanhu vakwe va nga kari va xaniswa hi ndlela ya tihanyi. A Biblia gi ngalo yena i lo bayiseka hi kota ya “vaxanisi vabye.” — Valamuli 2:18.

  Nungungulu wa va venga nguvu lava va xanisako vanwani. Hi xikombiso, a Biblia gi ngalo yena wa venga a “mandla lawa ma halatako nkhata wu nga hiko na nanzu.” — Mavingu 6:16, 17.

• Nungungulu wa khatala hi munwe ni munwani wa hina. A vanhu a hi vona voce va tivako a munwe ni munwani “a mbanga yakwe ni hlomulo wakwe” kanilezi Jehova na yenawu wa zi tiva! — 2 Kronekele 6:29, 30.

  Hi ku tirisa a Mufumo wakwe, Jehova lokuloku i ta mbheta a kuxaniseka ka munhu munwe ni munwani. (Mateu 6:9, 10) Kanilezi, na zi nga se maheka lezo, yena wa chavelela lava va mu hlotako hi mbilu yontlhe. — Mitiro 17:27; 2 Va Le Korinte 1:3, 4.