Cuwuka ka mabhuku ni ka majornali yo tsumbeka. Seketela magezu ya wena ka Mhaka ya Nungungulu, u gondza ka yona loku zvi koteka. Loku u kumbuka a mhaka yo kari ya siensia, mahungu ma haxilweko, tshango go kari, kutani cin’wani cikombiso ci tiyisako a mhaka leyo, sangula hi ku hlola u tiva lezvaku a bhuku kutani jornali lego gi tsumbekile niku a gi hundzelwangi ke.

Tirisa mabhuku hi ndlela yi faneleko. Tlhamusela a mitsalo hi kuya hi lezvi yi wulako, yi yelana ni lezvi a Bhibhiliya gona gontlhe gi zvi wulako, ni lezvi a mabhuku ya “nandza go tsumbeka ni go tlhariha” ma zvi wulako. (Mat. 24:45) Tirisa a mabhuku ni majornali ya tiko kota lezvi a mahungu ya kona ma nga tsaliswa zvona kusukela kusanguleni, u nga hambuki ka kungo ga mutsali wa wona.

Va vhune a ku ehleketa hi zvikombiso. Andzhako ka ku lera mutsalo kutani ku tshaha a bhuku go kari, wutisa zviwutiso hi ndlela ya wutlhari kutani ku kombisa a mhaka yiku dlunya kasi u vhuna lava u bhulako navo lezvaku va chikelela a magumo ya mhaka hi voce.