TLHATLHAMBUTO 95
Magonzisela Ya Jesu
GINWANI siku Jesu i byela a wanuna ku ngalo i fanele ku ranza wakeleni wakwe. A wanuna loye i wutisa Jesu aku: ‘Himani wakeleni wa mina?’ Ina, Jesu wa zi tiva lezi wanuna loye a zi alakanyako. A wanuna i alakanya ku ngalo a vaakeleni vakwe hi vanhu lava va nga va lixaka lakwe ni wukhongeli gakwe ntsena. Makunu a hi woneni lezi Jesu a wulako ka yena.
Ka zinwani zikhati Jesu i gonzisa hi ku hlawuta a mufananiso. Lezo hi zona a mahako makunu. Yena i hlawuta a mufananiso wa muJuda ni muSamaria. Hi sina hi gonzile lezaku a vaJuda a va ranzi vaSamaria. Makunu-ke, a mufananiso wa Jesu hi lowu:
Ka siku go kari a muJuda munwe i wa kari a relela hi ndlela ya le xitsungeni aya Jeriko. Kanilezi i lo phangiwa hi makhamba. Wona ma lo mu tekela a mali ma tlhela ma muba kala a hi kusuhani ni kufa.
Anzhako ka xikhati, ku lota a mupristi wa muJuda hi ndlela yaleyo. Yena i lo wona a wanuna a bilweko. U alakanya lezaku i mahile yini? Yena i lo su tlulela ginwani tlhelo ga ndlela a simama ku famba. Zonake ku lo hunzawu munwani wanuna wa mukhongeli wa hombe. Ku wa hi muLevi. Xana i nyimile? Ahihi, yenawu a nga nyimangi lezaku a vuna a wanuna a bilweko. Wa zi kota ku wona a mupristi ni muLevi ka pfhukana wo kari na va kari va relela hi ndlela.
Kanilezi hi nga wona loyi a nga laha zinwe ni wanuna loyi a bilweko. Yena muSamaria. Niku yena o vuna a muJuda. O mu chela muri ka zilonza zakwe. Anzhako ka lezo, yena i teka a muJuda aya naye ka wutshamu legi a to zi kota ku humula niku maha chukwana.
Anzhako ka kuva a mbhetile a mufananiso wakwe, Jesu i ngalo ka wanuna loyi a mu mahileko xiwutiso: ‘Xana wena u alakanya lezaku hi wihi wa lava vanharu a ti kombileko a hi wakeleni wa wanuna a bilweko ke? Kuve mupristi, muLevi kutani muSamaria?’
A wanuna i hlamula aku: ‘Hi wanuna wa muSamaria. Yena i mahele wuxinji a wanuna loyi a bilweko.’
Jesu aku ngalo: ‘U wulile zona. Hikwalaho famba u ya hlayisa vanwani kota lezi yena a zi mahileko.’
A wu ma ranzi a magonzisela ya Jesu? Hi nga gonza zilo zo tala nguvu za lisima loku hi ingisa lezi Jesu a zi wulako lomu ka Biblia, a hi zona?
Hi alakanya ku u ta zvi tsakela
JESU I NDLELA, NI LISINE, NI WUTOMI
MuSamariya a ngava muakelani wa mu nene
Jesu i wu tirisisile kuyini a mufananiso wa ‘muSamariya wa mu nene’ kasi ku gondzisa nchumu wa lisima?
JESU I NDLELA, NI LISINE, NI WUTOMI
A n’wana loyi a nga pengile a wuya kaya
A mufananiso wa Jesu wa n’wana a nga lahlekile wu hi gondzisa yini?
