Gondza ka matimu ya Bhibhiliya
A bhuku legi gi ta ku vhuna ku zwisisa zvilo zvi mahekileko cikhatini ci nga hundza — kusukela ka matimu ya Bhibhiliya ya kuvangiwa ka zvilo, kupswaliwa ka Jesu ni ntiro wakwe wa ku chumayela, ni kuta ka Mufumo wa Nungungulu.
Papilo ga Hubye yi Fumako
Hi nga gi tirisisa kuyini bhuku legi ke?
CIGONDZO 1
Nungungulu i vangile tilo ni misava
A Bhibhiliya gi wula ku Nungungulu i vangile tilo ni misava. Wa yi tiva ngilozi leyi a nga yi vanga na a nga se vanga zvilo zvontlhe?
CIGONDZO 2
Nungungulu i mahile wanuna ni wasati vo sangula
Nungungulu i no maha wanuna ni wasati vo sangula a va veka lomu sin’wini ga Edheni. I wa lava lezvaku va pswala vana va cica misava yontlhe yiva paradhise.
CIGONDZO 3
Adhamu na Evha va tsikile ku ingisa Nungungulu
Hikuyini a sinya yo kari yi nga hi lomu sin’wini ga Edheni yi nga hi yo hlawuleka? Hikuyini Evha a ngaga handzu wa kona?
CIGONDZO 4
I zangarile a gumesa a daya munhu
Nungungulu i tsakile hi munyikelo wa Abheli, kanilezvi a nga tsakangi hi lowu wa Kana. A cikhati leci Kana a nga zvi pola, i no zangara nguvhu a gumesa a maha zvilo zvo tshisa nguvhu.
CIGONDZO 5
A taru ga Nowa
A cikhati leci a tingilozi to biha ti ngata laha misaveni, ti no ta tekana ni vavasati, ti pswala vana va zvihotlovila. A misava yi no tala hi wubihi. Kanilezvi Nowa i wa hambene ni vanhu van’wani — i wa randza Nungungulu a tlhela a mu ingisa.
CIGONDZO 6
8 wa vanhu va nga kala ku dawa hi ndambi
A vhula yi no mbheta 40 wa masiku na yina wusiku ni mumu. Nowa ni ngango wakwe va tshamile lembe ni ku hundza lomu tarwini. Jehovha i no gumesa a va byela lezvaku va huma.
CIGONDZO 7
Peredhu ga Bhabheli
A vanhu va no bhula lezvaku va aka dhoropa kasi va tshama ka gona, va aka peredhu gi leha kala gi chikela le tilweni. Hikuyini Nungungulu a nga va maha va wulawula tirimi to hambana hi citshuketi?
CIGONDZO 8
Abrahama na Sara va ingisile Nungungulu
Hikuyini Abrahama na Sara va nga cica wutomi gabye ga dhoropa va ya hanya hi ku ndzulandzula tikweni ga Khanani?
CIGONDZO 9
Vaza va pswala n’wana!
Nungungulu i wa ta zvi tatisisa kuyini lezvi a nga tsumbisile Abrahama? Laha ka Isaka na Ixmayeli — himani a nga wa ta patseka?
CIGONDZO 10
U nga rivali lezvi zvi nga humelela sati wa Loti
Nungungulu i no nisa ndzilo ni solufa hehla ka Sodhoma ni Gomora. Hikuyini a madhoropa lawo ma nga loviswa? Hikuyini hi nga faneliko ku rivala lezvi zvi nga humelela Sati wa Loti?
CIGONDZO 11
Abrahama a ringwa kukholwa kakwe
Nungungulu i no byela Abrahama aku: ‘Ndzi kombela ku uya citsungeni ci nga le Moriya, u ya ndzi mahela muphahlo hi n’wana wa wena’. Abrahama i wa ta maha yini lezvi a kukholwa kakwe ku nga kari ku ringwa?
CIGONDZO 12
Jakobe a kuma tshomba
Isaka na Rebheka va no pswala vafana vambiri va mahahla. A mavito yabye ku wa hi Esawu na Jakobe. Kota lezvi Esawu a nga hi nhondzo, i wa ta nyikwa tshomba yo hlawuleka. Hikuyini a nga kala ku yi nyika lisima, a nyikela hi ku fela parato ya zvakuga?
CIGONDZO 13
Jakobe na Esawu va tsetselelana
Zvini lezvi Jakobe a nga maha kasi a katekisiwa hi ngilozi? I tsetselelanisile kuyini na Esawu?
CIGONDZO 14
Citiri ci ingisileko Nungungulu
Josefa i wa maha zva zvi nene. Kanilezvi i xanisekile nguvhu. Hikuyini?
CIGONDZO 15
Jehovha a nga tshukangi a rivala Josefa
Hambu lezvi Josefa a nga hi kule ni maxaka yakwe, Nungungulu i no komba lezvaku i wa hi zvin’we naye.
CIGONDZO 17
Mosi i hlawulile ku tirela Jehovha
Na a ha hi n’wanana, Mosi i ponisilwe hi wutlhari ga mamani wakwe.
CIGONDZO 19
3 wa makhombo yo sangula le Gibhite
Faro i alile ku maha nchumu wo hehuka nguvhu hi kota ya matshandza; lezvo zvi mahile lezvaku a vanhu vakwe va welwa hi hlomulo.
CIGONDZO 20
6 wa makhombo lawa ma nga landzela
Hi kwihi a kuhambana ka makhombo lawa ni lawa ya 3 yo sangula?
CIGONDZO 21
Khombo ga wu 10
A khombo legi gi hahlulile nguvhu laha ka kuza ni matshandza wontlhe ya Faro ma mbhela.
CIGONDZO 22
Cihlamaliso le Bimbini go Pswhuka
Faro a nga dawangi hi 10 wa makhombo lawa ma nga hundzile. I ponile ka cihlamaliso leci ca Nungungulu ke?
CIGONDZO 23
Va tsumbisa Jehovha
A cikhati leci a vaIzrayeli va nga hi laha Citsungeni ca Sinayi, va no maha citsumbiso co hlawuleka ka Nungungulu.
CIGONDZO 24
Va tsikile ku maha lezvi va nga tsumbisa
A cikhati leci Mosi a nga wuya ni 10 wa milayo, a vanhu va wa mahile ciwonho co tshisa.
CIGONDZO 25
Tabhernakeli ga ku khozela ka gona
A tenda legi go hlawuleka gi wa hi ni arke ga civhumelwano.
CIGONDZO 26
12 wa zvipiyawu
Joxuwa na Kalebhi va wa hambene ni zvipiyawu lezvi zvin’wani zva 10 zvi nga hlola tiko ga Khanani.
CIGONDZO 27
Va tsikile ku ingisa Jehovha
Kora, Dhatani, Abhiramu ni van’wani va 250 va tsandzekile ku zwisisa mhaka ya lisima xungetano hi Jehovha.
CIGONDZO 28
A mbongola ya Bhalami yi wulawula
A mbongola yi wonile wokari loyi Bhalami a nga kala a nga mu woni.
CIGONDZO 29
Jehovha a hlawula Joxuwa
A zvileletelo lezvi Nungungulu a nga nyika Joxuwa zvi nga hi vhunawu nyamutlha.
CIGONDZO 30
Rahabi a fihla zvipiyawu
A makhurisi ya Jeriko ma khungumukile mawa. Kanilezvi, a yindlu ya Rahabi a yi wangi, hambu lezvi yi nga akilwe laha ka makhurisi lawo.
CIGONDZO 31
Joxuwa ni vaGibheyoni
Joxuwa i no kombela Nungungulu aku: “Gambo, nyima”! Nungungulu i mu hlamulile ke?
CIGONDZO 32
Murangeli muswa ni vavasati vambiri va ku tiya hlana
A cikhati leci Joxuwa a ngafa, a vaIzrayeli va no sangula ku khozela zvifananiso. A wutomi gi no va bindzela. Hambulezvo, va vhunilwe hi Mulamuli Bharake, muphrofeti Dhebhora na Jayeli a nga tirisa cikhongwani ca tenda gakwe!
CIGONDZO 33
Rute na Nawomi
A vavasati vambiri va nga felwe hi vanuna vabye va no tlhela le Izrayeli. A mun’we wa vona, ku nga Rute, i no tira lomu masin’wini, laha a nga ya woniwa hi Bhowazi.
CIGONDZO 34
Gidheyoni a hlula vaMidhiyani
Andzhako ka loku a vaMidhiyani va xanisile vaIzrayeli, a vaIzrayeli va no khongotela Jehovha kasi a va vhuna. A vavanuna vatsongwani va Gidheyoni va zvi kotisile kuyini ku hlula 135 000 wa masochwa ya valala?
CIGONDZO 35
Hana a kombela n’wana ka Jehovha
Elkana i teka Hana na Penina ni vana vakwe vaya tabhernakelini le Xilo kasi ku ya khozela. Loku va hi seyo, Hana i kombela n’wana ka Jehovha. Andzhako ka cikhatana co kari, ku no pswaliwa Samuweli!
CIGONDZO 36
Citsumbiso ca Jefta
Citsumbiso muni ci nga mahiwa hi Jetfa niku hikuyini? Zvini lezvi a nhanyana wa Jefta a nga maha a cikhati leci a nga tiva lezvi a papayi wakwe a nga tsumbisile?
CIGONDZO 37
Jehovha a wulawula na Samuweli
A vafana vambiri va Eli va wa tira lomu tabhernakelini kota vapristi, kanilezvi va wa nga ingisi milayo ya Nungungulu. Hambu lezvi Samuweli a nga hi n’wanana ka vona, i wa hambene navo. Ka wusiku go kari, Jehovha i no wulawula na Samuweli.
COGONDZO 38
Jehovha a mu nyika ntamu Samsoni
Nungungulu i no mu nyika ntamu Samsoni kasi alwa ni vaFilistiya. Kanilezvi, a cikhati leci Samsoni a nga maha cihoxo, a vaFilistiya va no mu khoma.
CIGONDZO 39
Hosi yo sangula ya Izrayeli
Nungungulu i wa yimisile valamuli kasi ku rangela vaIzrayeli. Kanilezvi, va no gumesa va kombela hosi. Samuweli i no tota Sawule kota hosi yo sangula. Kanilezvi hi kufamba ka cikhati, Jehovha i no gumesa a ala Sawule. Hikuyini?
CIGONDZO 40
Dhavhidha na Goliyate
Jehovha i no hlawula Dhavhidha lezvaku a maha hosi yi nga landzela ya Izrayeli. Dhavhidha yenawu i kombile lezvaku i hlawulilwe khwatsi.
CIGONDZO 41
Dhavhidha na Sawule
Hikuyini a mun’we wa vavanuna lava a nga kari a zonda mun’wani, niku zvini a nga maha loyi a nga zondiwa?
CIGONDZO 42
Jonatani i wa hi wanuna wo tiya hlana ni wo tsumbeka
A n’wana wa hosi i no maha munghana wa Dhavhidha.
CIGONDZO 44
Tempeli ya Jehovha
Nungungulu i nyikile Solomoni lezvi a nga zvi kombela a tlhela a mu nyika malungelo yo tala.
CIGONDZO 46
Jehovha a kombisa ku i Nungungulu wa lisine
Himani Nungungulu wa lisine? Hi Jehovha kutani hi Bhaali?
CIGONDZO 48
A n’wana wa noni a vhuxiwa hi ka vafileko
Zvihlamaliso zvimbiri zvi nga maheka laha ka muti mun’we!
CIGONDZO 49
A sati wa hosi a tsayisiwa
Jezebheli i no xuxa cikungo ca ku dayisa muIzrayeli wa ku hi Nabhote hi ku fela ku teka simu gakwe ga mauvha! Jehovha i gi wonile a wubihi gakwe ni xapi yakwe.
CIGONDZO 50
Jehovha a lwela Jehoxafati
A Hosi ya yi nene Jehoxafati yi no kombela Nungungulu hi mukhongelo a cikhati leci Judha a nga lava ku dhumelwa hi matiko ya valala.
CIGONDZO 51
Musochwa wa ntamu ni cinhanyatana
A cinhanyatana co kari ca muIzrayeli, ci no wulawula ni sati wa hosi xungetano hi ntamu wa Jehovha. Andzhako ka lezvo, ku no humelela cihlamaliso.
CIGONDZO 52
Mahaxi ya Jehovha ni tikareta ta ndzilo
Xana a mutiri wa Elixa i zvi wonisile kuyini lezvaku ‘lava va nga na hina va tele nguvhu ku hundza lava va nga na vona?’
CIGONDZO 53
Jehoyada i kombisile kutiya-hlana
A mupristi loyi wo tsumbeka i no tiya hlana a susa hosi yo biha citshan’wini ca wuhosi.
CIGONDZO 54
Jehovha ive ni lihlazva-mbilu ha Jona
Zvi mahisile kuyini a kuza a muphrofeti wa Nungungulu a mitiwa hi njhanjhi ya hombe? I humisile kuyini? Niku zvini lezvi Jehovha a mu gondzisileko?
CIGONDZO 55
Hezekiya i vhikelwe hi ngilozi ya Jehovha
A valala va tiko ga Judha va wa ku Jehovha a nga ta vhikela vanhu vakwe. Kanilezvi, va wo ti hembela!
CIGONDZO 56
Josiya i wa randza Nayo wa Nungungulu
Josiya i no sangula ku fuma le Judha na a hi ni 8 wa malembe a tlhela a vhuna vanhu va tiko gakwe lezvaku va khozela Jehovha.
CIGONDZO 57
Jehovha a ruma Jeremiya lezvaku a ya chumayela
A madhota ma no kwata nguvhu hi lezvi zvi nga wuliwa hi muphrofeti loyi wa mufana.
CIGONDZO 58
Jerusalema gi hahluliwa
A vanhu va le Judha va no simama ku khozela zvifananiso. Hikwalaho, Jehovha i no va tsika.
CIGONDZO 59
4 wa vafana va ingisileko Jehovha
A vafana vo kari va vaJudha va wa ti yimisele ku simama va tsumbeka ka Jehovha, hambu cikhati leci va nga hi wuhosini ka Nebhukadnezare le Bhabhuloni.
CIGONDZO 60
Mufumo wu to tshama kala kupindzuka
Dhaniyeli i byelile Nebhukadnezare lezvi a noro wakwe wo hlamalisa wu wulako zvona.
CIGONDZO 61
Va alile ku khizamela cifananiso
Xadrake, Mexake na Abhed-nego va alile ku khozela cifananiso ca ndzalama ca hosi ya Bhabhuloni.
CIGONDZO 62
Mufumo wa ku fana ni sinya ya hombe
A noro wa Nebhukadnezare wu wa wulawula hi lezvi zvi nga lava ku mahekela yena.
CIGONDZO 63
Mutsalo laha khurisini
A mutsalo lowu wo hlamalisa wu humelele cikhati muni niku wu wa wula yini?
CIGONDZO 64
Dhaniyeli lomu nkeleni wa tinghala
Maha mukombelo ka Jehovha siku ni siku, a ku fana ni lezvi Dhaniyeli a nga maha!
CIGONDZO 65
Estere i ponisile vanhu va tiko gakwe
Hambu lezvi a nga hi muluveli, i sukile laha ka kuva cisiwana co felwa hi mamani na papayi ava sati wa hosi.
CIGONDZO 66
Ezra i gondzisile Nayo wa Nungungulu
Loku a vaIzrayeli va ingisele Ezra, va no gumesa va maha citsumbiso co hlawuleka ka Nungungulu.
CIGONDZO 67
Muru wa Jerusalema
Nehemiya i tivile lezvaku a valala vabye va wa lava ku va dhumela. Hikuyini a nga kala ku chava?
CIGONDZO 68
Elizabheti a pswala n’wana
Hikuyini a nuna wa Elizabheti a nga byeliwa lezvaku a nga ta ha zvi kota ku wulawula kala a n’wana wabye a pswaliwa?
CIGONDZO 69
Mariya a endzelwa hi ngilozi Gabriyeli
Ngilozi Gabriyeli i mu byelile mahungu Mariya lawa ma nga cica wutomi gakwe.
CIGONDZO 70
A tingilozi ti tivisa kupswaliwa ka Jesu
A varisi lava va nga tivisiwa va no tekela ku tsutsuma va famba.
CIGONDZO 72
Jesu na a ha hi mufanyana
Jesu i va hlamalisisile kuyini a vagondzisi va nayo lomu tempeleni?
CIGONDZO 73
Johani a chumayela lezvaku Mesiya wata
Johani i no kula a maha muphrofeti. I no gumesa a gondzisa vanhu lezvaku Mesiya wata. Zvini lezvi a vanhu va nga maha loku vazwa mahungu yakwe?
CIGONDZO 75
Sathani a ringa Jesu
Sathani i no ringa Jesu makhati manharu. Zvi vile zvihi a zviringo lezvo zva zvinharu? Jesu i hlamulisile kuyini?
CIGONDZO 76
Jesu a basisa Tempeli
Hikuyini Jesu a nga swula cisepho hi tingoti a hlongola zvifuyo lomu tempeleni? Hikuyini a nga nikinya timeza ta lava va nga kari va cica mali?
CIGONDZO 77
Wasati laha hloweni
Hikuyini a wasati wa muSamariya laha hloweni a nga hlamala hi lezvi Jesu a nga wulawula naye? Zvini lezvi Jesu a nga mu byela zva ku i wa nga se tshuka a byela munhu?
CIGONDZO 78
Jesu a chumayela mahungu ya Mufumo
Jesu i no ramba vokari va nga gumesa vava vapizani vakwe lezvaku va maha ‘vakukuti va vanhu.’ Hi ndzhako ka cikhati, i no gondzisa 70 wa vapizani vakwe lezvaku va chumayela mahungu yo saseka.
CIGONDZO 79
Jesu a maha zvihlamaliso zvo tala
Kontlhe lomu Jesu a ngaya kona, a vanhu va ku babya va wo mu tshinelela va ta kombela ku hanyisiwa, a se va hanyisa. Hambu hi ku khumba a nguwo yakwe basi, va wo hanya.
CIGONDZO 80
Jesu a hlawula 12 wa vapostoli
I va hlawulile kasi va tira yini? Wa ma alakanya a mavito yabye?
CIGONDZO 81
Kanelo ya le Citsungeni
Jesu i gondzisile zvilo zva lisima nguvhu ka vanhu va nga tlhangene.
CIGONDZO 82
Jesu a va gondzisa ku maha mukombelo a vapizani vakwe
Zvini lezvi a nga va byela a ku va ‘kombela’?
CIGONDZO 84
Jesu a famba hi le hehla ka mati
Hi mawonela ya wena, a vapostoli va ti zwisile kuyini a cikhati leci va nga wona cihlamaliso leci?
CIGONDZO 85
Jesu a hanyisa hi siku ga Sabhadho
Hikuyini a vokari va nga kala ku xalala hi lezvi a nga zvi maha?
CIGONDZO 86
Jesu a vhuxa Lazaru
A cikhati leci Jesu a nga wona Mariya na a rila, yenawu i no sangula ku rila. Kanilezvi, va no sangula ku tsaka na ku nga se hundza cikhati co leha.
CIGONDZO 87
Jesu aga Phasika hi khati go gumesa
Jesu i no va nyika zvileletelo zva lisima a vapostoli vakwe laha va nga kari vaga zvin’we Phasika hi khati go gumesa.
CIGONDZO 88
Jesu a khon’wa
Judhasi Iskariyoti i no famba ni vanhu vo tala va nga hi ni zvipadha ni zvigomba kasi va ya khoma Jesu.
CIGONDZO 89
Pedro a ala ku wa mu tiva Jesu
Zvini zvi nga humelela lomu tsendzeleni wa yindlu ya Kayafasi? Zvini zvi nga humelela Jesu lomu ndlwini ya kona?
CIGONDZO 91
Jesu a vhuxiwa
Zvilo muni zvo hlamalisa zvi nga maheka loku ku hundzile masikwanyana Jesu na a delwe? WEB:OnSiteAdTitleJesu a vhuxiwa
CIGONDZO 93
Jesu a tlhela tilweni
Hambulezvo, na a nga se tlhela, i no va nyika a zvileletelo zvo kari zva lisima nguvhu a vapizani vakwe.
CIGONDZO 94
A vapizani va Jesu va amukela moya wa ku basa
A moya wa ku basa wu va nyikile ntamu wa ku maha nchumu muni wo hlamalisa?
CIGONDZO 95
A va zvi kotangi ku va tsikisa ku chumayela
Ka cikhati leco, a varangeli va wukhongeli lava va nga daya Jesu va wa zama ku va tsikisa ku chumayela a vapizani vakwe. Kanilezvi a va tsikangi.
CIGONDZO 96
Jesu a langa Sawule
Sawule i wa hi cigevenga ni nala wa maKristu. Kanilezvi zvi no gumesa zvi cica.
CIGONDZO 97
Korneliyu a amukela moya wa ku basa
Hikuyini Nungungulu a nga ruma Pedro lezvaku aya kaya ka wanuna loyi a nga kala a nga hi muJudha?
CIGONDZO 98
A wuKristu gi hangalaka ka matiko yo tala
A ntiro wa Pawule kota murumiwa wu sangulisile ntiro wa kuchumayela matikweni ya le kule.
CIGONDZO 99
A guarda ga paxo gi gondza lisine
Hikuyini Pawule na Silasi va nga vhalelwa paxweni? Xana a guarda go kari gi gondzisile kuyini lisine?
CIGONDZO 100
Pawule na Timote
A vavanuna lava va vambiri va wa hi vanghana. Va tlhelile va tirela Nungungulu hi malembe yo tala na va hi zvin’we.
CIGONDZO 101
Pawule a rumelwa le Roma
Laha va fambako va kumana ni timhango to tala. Kanilezvi, a ku na cikarato ci thindekisako a mupostoli loyi.
CIGONDZO 102
Johani a wonisiwa zvilo zvi nga hata
Jesu i no mu komba miwoniso yo landzelana ya zvilo zvi nga hata.
CIGONDZO 103
“A wute Mufumo wa wena”
A kuvhululelwa loku Johani a vileko nako, ku kombile lezvi a Mufumo wa Nungungulu wu to cicisa zvona wutomi laha misaveni.
