A Bhibhiliya gi sangula hi ku wulawula hi kuvangiwa ka zvilo zvi wonekako; gi hi vhulula mahlo hi wona kusaseka ka zvilo lezvi Jehovha a zvi vangileko — le tilweni ni laha misaveni. Loku u hi mupswali vhuna n’wana wa wena ku wona a kuhlamalisa ni kuhambana-hambana ka zvivangwa. Mu kombe lezvi Nungungulu a nga vangisa zvona vanhu na va hambene ni zvihari, hi ku va maha hi ndlela ya ku va zvi kota ku wulawula, ku pimisa, ku maha zvilo, ku yimbelela ni ku maha mukombelo. Mu kuce ku a tsakela a tlhela a bonga ntamu ni wutivi ga Jehovha, nguvhunguvhu a lirandzo leli a nga nalo hi mun’we ni mun’wani wa hina — a ku patsa ni zvivangwa zvakwe zvontlhe.