Jehovha i Hosi ka vontlhe. Kusukela kale wa wonelela zvontlhe niku i ta simama ku zvi wonelela contlhe cikhati. Hi cikombiso, i ponisile Jeremiya lomu nkeleni a nga lava ku fela kona. I ponisile Xadrake, Mexake, na Abhed-nego lomu ndzilweni, na Dhaniyeli lezvaku a nga giwi hi tinghala. Jehovha i vhikele Estere kambe kasi a ponisa vanhu vontlhe va tiko gakwe. Ni nyamutlha a nga ta tsika wubihi gi simama kala kupindzuka. A ciphrofeto ca cifananiso ca hombe ni ca sinya ya hombe zvi tiyisekisa lezvaku a Mufumo wa Jehovha wu ta mbheta wubihi gontlhe na ku nga hi kale, wu tlhela wu fumela misava.