Jesu i tile laha misaveni lezvaku a ta nyikela wutomi gakwe kasi ku ponisa vanhu vo kala ku mbhelela. Hambu lezvi a ngafa, i hlulile tiko hakuva i file na a tsumbekile ka Jehovha. Yenawu Jehovha i no tsumbeka ka N’wana wakwe zvonake a mu vhuxa hi ka vafileko. Wutomini gakwe gontlhe, Jesu i ti koramisile a tirela van’wani a tlhela a va tsetselela loku va mu wonhela. Loku a vhuxilwe hi ka vafileko, i no woneka ka vapizani vakwe. I no va gondzisa ku maha ntiro wa lisima lowu a nga va nyikile. Loku u hi mupswali, vhuna n’wana wa wena ku zwisisa lezvaku hinawu inyamutlha, hi nyikilwe ku maha ntiro walowo.