A maKristu yo sangula ma chumayele a mahungu yo saseka ya Mufumo wa Nungungulu kala ka matshamu ya le kule nguvhu laha misaveni. Jesu i va kombile lomu va nga fanele ku chumayela kona a tlhela a maha cihlamaliso ca ku va wulawula tirimi ta lava va nga va gondzisa. Jehovha i no va nyika kutiya-hlana ni ntamu wa ku timisela loku va xanisiwa.

Jesu i no komba Johani a muwoniso wa ku ngangamela ka Jehovha. Ka wun’wani muwoniso, Johani i no wona Mufumo wa le tilweni na wu hlula Sathani wu fuvisa a mifumo yakwe kala kupindzuka. Johani i no wona Jesu na a fuma kota Hosi na a hi ni lava va 144 000. I wonile misava yontlhe kambe na yi hundzuluswa yiva paradhise, a vanhu vontlhe na va khozela Jehovha hi kurula ni kuzwanana.