Cingheniso ca cipandze 2
Hikuyini Jehovha a nga lovisa tiko cikhatini ci hundzileko hi ku nisa vhula ya hombe yi maha ndambi ke? Zvalezvi a matimu ya vanhu ma nga sangula, ku no sangula yimpi ya zva zvi nene ni zvo biha. A vanhu vo kari vo kota Adhamu, Evha ni n’wana wabye Kana, va no hlawula ku maha zvo biha. A vokari vo kota Abheli na Nowa, va no hlawula ku maha zva zvi nene. Kanilezvi, a kutala kabye va nova vanhu va mahanyela yo biha nguvhu laha ka kuza Jehovha a zvi wona zvi hi chukwana ku lovisa tiko lego go biha. Ka cipandze leci, hi ta wona lezvaku Jehovha wa zvi wona ku hi hlawula tlhelo gihi ga kona niku a nga ta tshuka a tsika kubiha ku hlula zva zvi nene.
IN THIS SECTION
CIGONDZO 3
Adhamu na Evha va tsikile ku ingisa Nungungulu
Hikuyini a sinya yo kari yi nga hi lomu sin’wini ga Edheni yi nga hi yo hlawuleka? Hikuyini Evha a ngaga handzu wa kona?
CIGONDZO 4
I zangarile a gumesa a daya munhu
Nungungulu i tsakile hi munyikelo wa Abheli, kanilezvi a nga tsakangi hi lowu wa Kana. A cikhati leci Kana a nga zvi pola, i no zangara nguvhu a gumesa a maha zvilo zvo tshisa nguvhu.
CIGONDZO 5
A taru ga Nowa
A cikhati leci a tingilozi to biha ti ngata laha misaveni, ti no ta tekana ni vavasati, ti pswala vana va zvihotlovila. A misava yi no tala hi wubihi. Kanilezvi Nowa i wa hambene ni vanhu van’wani — i wa randza Nungungulu a tlhela a mu ingisa.
CIGONDZO 6
8 wa vanhu va nga kala ku dawa hi ndambi
A vhula yi no mbheta 40 wa masiku na yina wusiku ni mumu. Nowa ni ngango wakwe va tshamile lembe ni ku hundza lomu tarwini. Jehovha i no gumesa a va byela lezvaku va huma.
