XIPANZE 3
Milayo ya Mufumo — Va hlota kululama ka Nungungulu
U TLAKUSELA woko a muakelani wa wena a xikhati lexi u hunzako. Kanilezi u polile lezaku i simama a mu cuwuka, wena ni ngango wa wena. Loku u cuwuka nzhako yena o ku khweneta, a guma aku: “Nzi nga ku maha xiwutiso? Zini zi mu mahako mu hambana nguvu ni vanwani?” U hlamula uku: “Hikuyini?” Yena aku: “Kambe nwina mu Timboni ta Jehova, a hi zona? A mu fani ni vanwani. Ma hambana ni tinwani tichechi — a mugi makhisimuso, niku a mu ngheneli za wupolitika ge hambu kuya wusochweni. A mu dzahi. A ngango wa wena kambe wu wonekisa ku khwatsi wu na ni mahanyela ma nene. Kasi xini xi mu hambanyisako nguvu na hina?”
Wa zi tiva lezaku a hlamulo wa kona wunwe: Hi fumelwa hi milayo ya Mufumo wa Nungungulu. Kota Hosi, Jesu i tshama hi ku hi vuna kuva vanhu va chukwana. I hi vuna a ku lanzela nkonzo wakwe, lezaku hi hambana ni tiko legi go biha. Ka xipanze lexi, hi ta wona lezi a Mufumo wa wuMessia wu tako na wu hi chukwatisisa zona hi tlhelo ga moya, ga mahanyela, ni ga wuhlengeli — lezaku hi dzunza Jehova.
IN THIS SECTION
XIPIMO 10
A Hosi yi basisa a vanhu va yona hi tlhelo ga moya
Hi kwihi kuyelana ka Khisimuso ni xihambano?
XIPIMO 11
Va chukwatiswa hi tlhelo ga mahanyela kasi ku kombisa a kubasa ka Nungungulu
A tikwaruto ta varinzeli ni tinyangwa ta xiwoniso xa Ezekieli xa tempeli zive ni tlhamuselo wo hlawuleka ka vanhu va Nungungulu kusukela 1914.
XIPIMO 12
Va xaxametilwe lezaku va tirela a “Nungungulu wa kurula”
A Biblia a gi hambanisi a woyonga ni kululama, kanilezi gi yi hambanisa ni kurula. Hikuyini? Xana a hlamulo wa kona wu ma khumbisa kuyini a maKristu inyamutlha?