CIGONDZO 17
Jesu i wa hi munhu wo tshamisa kuyini?
A cikhati leci hi gondzako hi tiva lezvi Jesu a nga wula ni ku maha laha misaveni, hi pola matshamela yakwe lawa ma hi tshinetako ka yena ni ka Papayi wakwe Jehovha. Hi wahi matshamela yo kari a ma kombisileko? Kona hi nga mu pimanyisisa kuyini Jesu wutomini ga hina?
1. Jesu i fana ni Papayi wakwe hi ndlela muni?
Na a hi le tilweni, Jesu i cuwukisele a Papayi wakwe a tlhela a gondza kakwe ndzeni ka tibhiliyoni ta malembe. Hi kota ya lezvo, lezvi a pimisisako zvona, lezvi a ti zwisako zvona ni lezvi a mahisako zvona zvilo zva fana ni lezvi Papayi wakwe a mahisako zvona. (Lera Johani 5:19.) Kunene, Jesu i pimanyisa khwatsi a matshamela ya Papayi wakwe laha koza yena wutsumbu, aku: “Loyi a wonileko mina i wonile na Papayi.” (Johani 14:9) Laha u toya u gondza hi matshamela ya Jesu, u ta mu tiva khwatsi Jehovha. Hi cikombiso, lezvi Jesu a nga va khatalelisa zvona vanhu zvi komba lezvi Jehovha a khatalisako zvona hi wena.
2. Jesu i zvi kombisile kuyini a ku wa mu randza Jehovha?
Jesu i wulile lezvi: “Kasi a tiko gi fela ku zvi tiva lezvaku ndza mu randza Papayi, ndzi maha kota lezvi Papayi a ndzi layileko.” (Johani 14:31) A cikhati leci Jesu a nga hi laha misaveni, i kombile lezvaku wa mu randza Papayi wakwe hi ku mu ingisa. I mahile lezvo hambu ka cikhati leci zvi nga karata. Jesu kambe i wa zvi randza ku wulawula ni vanhu hi Papayi wakwe. I tlhelile a vhuna vanhu kuva ni wunghana ni Papayi wakwe. — Johani 14:23.
3. Jesu i zvi kombisile kuyini a ku wa va randza vanhu?
A Bhibhiliya gi wula ku Jesu “wa tsakisiwa nguvhu hi vanhu”. (Mavingu 8:31, tlhamuselo wa lahasi) Yena i kombisile ku wa va randza vanhu hi ku va tiyisa ni ku va vhuna na a nga ti feleli. I mahile zvihlamaliso zvi nga komba ku i na ni ntamu niku wa va zwela wusiwana vanhu. I wa va komba wunene niku i wa nga hi na cihlawulela. (Marku 1:40-42) A magezu yakwe ma wa chavelela ni ku nyika kutsumba vontlhe vanhu va timbilu tinene lava va nga mu ingisela. Jesu i wa ti yimisele ku xaniseka a tlhela afa hi lezvi a randzako a vanhu vontlhe. Kanilezvi i randza nguvhu lava va landzelako a tigondzo takwe. — Johani 15:13, 14.
GONDZA ZVI ETA
U ta gondza zvotala xungetano hi matshamela ya Jesu. U ta tlhela u wona lezvi u nga li kombisisako zvona a lirandzo ni kuhana a ku fana na Jesu.
4. Jesu wa mu randza a Papayi wakwe
A cikombiso ca Jesu ci hi gondzisa lezvi hi nga kombisako zvona a ku ha mu randza Nungungulu. Lerani Luka 6:12 na Johani 15:10; 17:26. Andzhako ka ku lera a mutsalo wun’we ni wun’wani bhulani hi ciwutiso leci:
-
Hi nga mu pimanyisisa kuyini Jesu hi komba lezvaku ha mu randza Jehovha?
Jesu i wa mu randza a Papayi wakwe wa le tilweni niku contlhe cikhati i wa khongela kakwe
5. Jesu i wa va zwela wusiwana vanhu
Jesu i wa khatala nguvhu hi van’wani a ku hundza yena n’winyi. Hambu a cikhati leci a nga karele, i wa tirisa a cikhati cakwe ni ntamu wakwe kasi ku vhuna vanhu. Lerani Marku 6:30-44, mu gumesa mu bhula hi zviwutiso lezvi:
-
Ka matimu lawa, zvini lezvi Jesu a zvi mahileko zvi kombako ku wa khatala hi van’wani? — Wona mavhesi 31, 34, 41, ni 42.
-
Cini ci kucileko Jesu a ku vhuna van’wani? — Wona vhesi 34.
-
Kota lezvi Jesu a pimanyisako matshamela ya Jehovha, a mavhesi lawa ma ku gondzisa yini hi Jehovha?
-
Hi tihi tindlela to kari hi nga kombisako hi tona lezvaku ha khatala hi van’wani a ku fana na Jesu?
6. Jesu wa hana
Jesu i wa nga hi na zvilo zvo tala, hambulezvo i wa avela van’wani lezvi a nga hi nazvo niku i hi kuca ku hinawu hi hana. Lerani Mitiro 20:35, mu gumesa mu bhula hi ciwutiso leci:
-
Hi kuya hi Jesu, zvini zvi nga hi mahako hi tsaka?
Bisani VHIDHIO, mu gumesa mu bhula hi ciwutiso ci landzelako.
-
Hi nga komba ku ha hana hi tindlela muni, hambu loku hi nga hi na zvilo zvo tala?
U wa zvi tiva?
A Bhibhiliya gi hi gondzisa ku hi fanele ku khongela ka Jehovha hi vito ga Jesu. (Lerani Johani 16:23, 24.) Loku hi khongelisa lezvo, hi komba ku ha bonga lezvi Jesu a mahileko kasi a hi vhuna kuva vanghana va Jehovha.
A VOKARI VE: “Nungungulu a nga na mhaka ni kuxaniseka ka hina.”
-
Kota lezvi Jesu a pimanyisako a matshamela ya Papayi wakwe, lezvi a zvi mahileko laha misaveni zvi kombisile kuyini ku Jehovha wa khatala hi hina?
LEZVI HI NGA GONDZA
Jesu wa mu randza Jehovha ni vanhu. Kota lezvi Jesu a fanako ni Papayi wakwe, laha u yako u mu tiva Jesu u taya u mu tiva khwatsi Jehovha.
Zviwutiso zva kuvhuxeta
-
Hi nga zvi kombisisa kuyini ku ha mu randza Jehovha a ku fana ni lezvi Jesu a mahileko?
-
Hi nga zvi kombisisa kuyini ku ha va randza vanhu a ku fana ni lezvi Jesu a mahileko?
-
I tshamela muni ga Jesu gi ku tsakisako nguvhu?
GONDZA ZVIN’WANI
Wona a matshamela yo kari ya Jesu lawa hi nga ma pimanyisako.
“Pimanyisa Jesu hi kuva wo . . .” (Jesu i ndlela, ni lisine, ni wutomi, pajina 317)
Gondza u tiva ku hikuyini hi faneleko ku khongela hi vito ga Jesu.
“Hikuyini hi khongelako hi vito ga Jesu?” (Murindzeli wa 1 ka Fevereiro wa 2008)
A Bhibhiliya ga wula ku Jesu munhu wo tshamisa kuyini?
“Kasi Jesu i wa tshamisile kuyini?” (Ndzima yi nga ka jw.org)
Hi gondza yini ka lezvi Jesu a nga va khomisa zvona vavasati?
“Nungungulu i lava lezvaku a vavasati va kombisiwa cichavo” (Murindzeli wa 1 ka Setembro wa 2012)
