CIGONDZO 21
Hi vamani va chumayelako a mahungu ya manene?
Zvezvanyana, Jehovha i ta tirisa Mufumo wakwe kasi ku fuvisa a zvikarato zva hina zvontlhe. A mahungu lawo a mo ku tsakisa niku zvi lava ku a vanhu vontlhe va ma tiva. Jesu i byelile a valandzeli vakwe lezvaku va tivisa vanhu vontlhe a mahungu lawo! (Matewu 28:19, 20) A Vakustumunyu va Jehovha va ci ingisisa kuyini a cileletelo ca Jesu?
1. Matewu 24:14 i tatisekisa kuyini nyamutlha?
Jesu i phrofetile ku: “A mahungu lawa ya manene ya Mufumo ma ta chumayelwa misaveni yontlhe.” (Matewu 24:14) A Vakustumunyu va Jehovha va tsaka nguvhu hi ku maha a ntiro lowu wa lisima. Hi chumayela a mahungu ya manene misaveni yontlhe hi tirimi to hundza 1000 wa tona! A ntiro lowu wa kulela ga cima, wu lava kutikarata ka hombe ni ku xaxametiwa khwatsi. A hi nge zvi koti ku maha a ntiro lowu na hi nga vhuniwi hi Jehovha.
2. Kutikarata muni hi ku mahako kasi hi chumayela vanhu?
Hi chumayela ni kwihi hi kumako vanhu. A ku fana ni maKristu ya cikhatini ci hundzileko, ha chumayela “hi muti ni muti”. (Mitiro 5:42) Hi ku tirisa a ndlela leyo, ha zvi kota ku wulawula ni vanhu va timiliyoni lembe ni lembe. Kota lezvi ku nga hiko contlhe cikhati a vanhu va kumekako lomu mitini, ha chumayela kambe lomu ka matshamu yo tala ya laha kubaseni. Contlhe cikhati, hi hlota tindlela ta ku wulawula ni van’wani xungetano hi Jehovha ni kungo gakwe.
3. Hi vamani va faneleko ku chumayela a mahungu ya manene?
A maKristu wontlhe ya lisine ma fanele ku chumayela a mahungu ya manene ka van’wani. A ntiro lowu hi wu wona na wu hi wa lisima nguvhu. A mun’we ni mun’wani wa hina i maha zvontlhe a zvi kotako ntirweni lowu hakuva ha zvi tiva lezvaku wu nga ponisa a wutomi ga vanhu. (Lera 1 Timote 4:16) A hi holisiwi hi ku maha a ntiro lowu, hakuva a Bhibhiliya gi wula lezvi: “Mu amukele mahala, nyikani mahala.” (Matewu 10:7, 8) A hi vontlhe va amukelako a mahungu ya hina. Kanilezvi hi simama ku chumayela hakuva loku hi maha lezvo hi ingisa Jehovha hi tlhela hi mu tsakisa.
GONDZA ZVI ETA
Wona lezvi a Vakustumunyu va Jehovha va mahako kasi va chumayela misaveni yontlhe ni lezvi Jehovha a va vhunisako zvona.
Ntiro wa kuchumayela misaveni yontlhe: (A) Costa Rica, (B) Estados Unidos, (C) Benim, (D) Tailândia, (E) Yap, (F) Suécia
4. Hi kulula hi n’watseka kasi hi chumayela vanhu vontlhe
A Vakustumunyu va Jehovha va kulula va n’watseka kasi va chumayela a mahungu ya manene ka vanhu va matshamu wontlhe. Bisani VHIDHIO, mu gumesa mu bhula hi ciwutiso ci landzelako.
-
Zvini zvi ku hlamalisako ka lezvi a Vakustumunyu va Jehovha va ti karatisako zvona kasi ku chumayela?
Lerani Matewu 22:39 na Va Le Roma 10:13-15, mu gumesa mu bhula hi zviwutiso lezvi:
-
A ntiro wa hina wu zvi kombisa kuyini ku ha va randza a van’wani vanhu?
-
Jehovha i va wonisa kuyini lava va chumayelako a van’wani vanhu? — Wona vhesi 15.
5. Hina hi zvitiri-kulori na Nungungulu
A matshango yo tala ma komba ku Jehovha wa rangela a ntiro wa hina. Hi cikombiso, wona lezvi zvi nga humelela a makabye wo kari wa ku hi Paul le Nova Zelândia. Na a kari a chumayela hi muti ni muti ka gambo go kari, i no kuma wasati loyi ka mixo ya kona a nga khongele ka Nungungulu na a tirisa vito gakwe, Jehovha, a kombela ku vhuxelwa hi wokari. Paul i wula lezvi: “Andzhako ka tihora tinharu, ndzi no chikela laha nyangweni yakwe.”
Lerani 1 Va Le Korinte 3:9, mu gumesa mu bhula hi ciwutiso leci:
-
A matshango yo fana ni legi ga le Nova Zelândia ma zvi kombisa kuyini lezvaku Jehovha hi yena a rangelako a ntiro wa kuchumayela?
Lerani Mitiro 1:8, mu gumesa mu bhula hi ciwutiso leci:
-
Hikuyini hi lavako ku vhuniwa hi Jehovha kasi hi maha ntiro wa hina?
U wa zvi tiva?
Vhiki ni vhiki, ka mitlhangano ya laha cikari ka vhiki ha gondzisiwa ku chumayela. Loku u tshukile uya ka wun’we wa mitlhangano leyo, u zvi wonisile kuyini?
6. Ha ingisa a cileletelo leci Nungungulu a hi nyikileko ca ku chumayela
Cikhatini ca vapostoli, a vanhu vokari va zamile ku tsikisa a valandzeli va Jesu a kuchumayela. A maKristu yo sangula ma lwele a fanelo yabye ya ku chumayela “hi nayo a mahungu ya manene”. (Va Le Filipi 1:7) A Vakustumunyu va Jehovha va maha zvalezvo ni nyamutlha. a
Lerani Mitiro 5:27-42, mu gumesa mu bhula hi ciwutiso leci:
-
Hikuyini hi to kala ku tsika ku chumayela? — Wona mavhesi 29, 38, ni 39.
A WOKARI A NGA HA WUTISA KU: “Hikuyini a Vakustumunyu va Jehovha va chumayelako hi muti ni muti?”
-
U nga mu hlamulisa kuyini?
LEZVI HI NGA GONDZA
Jesu i byelile a valandzeli vakwe lezvaku va chumayela mahungu ya manene matikweni wontlhe. Jehovha wa vhuna vanhu vakwe a ku maha ntiro lowu.
Zviwutiso zva kuvhuxeta
-
A mahungu ya manene ma chumayeliswa kuyini misaveni yontlhe?
-
A ntiro wa hina wu zvi kombisa kuyini ku ha va randza a van’wani vanhu?
-
U alakanya ku a ntiro wa ku chumayela wu nga hi nyika litsako? Hikuyini?
GONDZA ZVIN’WANI
Wona lezvi a Vakustumunyu va Jehovha va va chumayelisako zvona vanhu lomu madhoropeni ya hombe.
Tsima go hlawuleka ga wukustumunyu ga laha kubaseni le Paris (5:11)
Zvini lezvi a Vakustumunyu va Jehovha va mahako kasi ku vhuna valuveli?
Zwana wokari na a hlawutela lezvi a ku chumayela zvi nga mu nehelisa zvona litsako wutomini gakwe.
Tiva zvokari lezvi a Vakustumunyu va Jehovha va nga zvi hlula tihubyeni ta kulamula lezvi zvi mahileko ku a ntiro wa kuchumayela wu simama.
a Nungungulu hi yena a hi rumileko ku chumayela. Hikwalaho, a Vakustumunyu va Jehovha a va lavi ku vhumelelwa hi mifumo ya vanhu kasi ku chumayela a mahungu ya manene.
