CIGONDZO 25
Nungungulu i wa hi vangela yini?
A Bhibhiliya ga wula lezvaku a vanhu va hanya “wutomi go koma na gi tele hi zvikarato”. (Joba 14:1) A ku Nungungulu i wa lava lezvaku hi hanyisa zvezvi? Loku ku hi ku ahihi, i wa hi vangela yini? Lezvi a nga hi vangela zvona zvi ta tshuka zvi maheka? Hi nga wona lezvi a Bhibhiliya gi zvi hlamulisako zvona a zviwutiso lezvo hi ndlela yo chavelela.
1. Jehovha i lava ku hi hanya a wutomi go tshamisa kuyini?
Jehovha i lava ku hi hanya a wutomi go tsakisa nguvhu. A cikhati leci a nga vanga a vanhu vo sangula, Adhamu na Evha, i no va veka ka paradhise go saseka, ku nga jardhim ya Edheni. Hi kulandzela, “Nungungulu i no va katekisa ni ku va byela, aku: ‘Pswalani, mu andza, mu tata misava mu yi fumela.’” (Genesisi 1:28) Jehovha i wa lava ku va pswala vana, va hundzula misava yontlhe yiva paradhise va tlhela va hlayisa zvihari. A kungo gakwe ku wa hi lezvaku a vanhu vontlhe va hanya khwatsi lezvo na va hanya kala kupindzuka.
Hambu lezvi a zvilo zvi nga kala ku famba khwatsi, a a kungo ga Nungungulu a gi cicangi. (Isaya 46:10, 11) Nungungulu wa ha lava lezvaku a vanhu va ingisako va hanya kala kupindzuka na va mbhelele. — Lera Kuvhululelwa 21:3, 4.
2. Hi nga zvi kotisa kuyini a ku hanya a wutomi go tsakisa nyamutlha?
Jehovha i hi vangile na hi hi ni tora ga ku lava ku mu tiva ni ku mu khozela. (Lera Matewu 5:3-6.) I lava ku hiva ni wunghana ga hombe naye hi “famba tindleleni takwe tontlhe, [hi] mu randza” ni ku mu khozela “hi mbilu ya [hina] yontlhe”. (Dhewuteronome 10:12; Lisimu 25:14) Loku hi maha lezvo, hi ngava ni litsako la lisine hambu loku hi kumana ni zvikarato. A ku khozela Jehovha zvi hi maha hi hanyela co ci tiva hakuva hi hanyisa lezvi yena a lavako ku hi hanyisa zvona.
GONDZA ZVI ETA
Gondza hi lirandzo la hombe leli Jehovha a nga li kombisa a cikhati leci a nga longisela misava kasi hi hanya ka yona u tlhela u tiva lezvi a Bhibhiliya gi gondzisako xungetano hi kungo ga wutomi.
3. Jehovha i lava lezvaku a vanhu vava ni wutomi go tsakisa nguvhu
Bisani VHIDHIO, mu gumesa mu bhula hi ciwutiso ci landzelako.
-
Hikuyini Nungungulu a nga vanga misava?
Lerani Mutshawuteli 3:11, mu gumesa mu bhula hi ciwutiso leci:
-
Zvini lezvi Jehovha a nga chela timbilwini ta vanhu? Lezvo zvi ku gondzisa yini hi Jehovha?
4. A kungo ga Jehovha a gi cicangi
Lerani Lisimu 37:11, 29 na Isaya 55:11, mu gumesa mu bhula hi ciwutiso leci:
-
Hi zvi tivisa kuyini lezvaku a kungo ga Nungungulu xungetano hi hina a gi cicangi?
A yindlu leyi yi hohlokileko yi nga tlhela yi aketiwa. Hi kufanana, a misava leyi yi wonhilweko hi vanhu, Nungungulu i ta hi vhuxeta kasi ku hanya a vanhu lava va mu randzako
5. A ku khozela Jehovha zvi hi maha hi hanyela co ci tiva
A ku tiva a kungo ga wutomi zvi nga hi nyika litsako. Bisani VHIDHIO, mu gumesa mu bhula hi ciwutiso ci landzelako.
-
A wutomi ga Terumi gi cicisile kuyini andzhako ka ku gondza a tiva kungo ga wutomi?
Lerani Mutshawuteli 12:13, mu gumesa mu bhula hi ciwutiso leci:
-
Lezvi Jehovha a hi mahelako zvilo zvo tala, hi nga zvi kombisa kuyini ku ha mu bonga?
A WOKARI A NGA HA WUTISA KU: “Kasi hi hanyela yini?”
-
U wa ta mu hlamulisa kuyini?
LEZVI HI NGA GONDZA
Jehovha i lava ku hi ti buza hi wutomi ga pindzukelwa ni go mbhelela kwalaha misaveni. Loku hi mu khozela hi mbilu ya hina yontlhe, hambu nyamutlha hi nga hanyela co ci tiva.
Zviwutiso zva kuvhuxeta
-
Jehovha i wa va vangela yini Adhamu na Evha?
-
Hi zvi tivisa kuyini lezvaku a kungo ga Nungungulu xungetano hi vanhu a gi cicangi?
-
Cini ci nga ku vhunako ku hanyela co ci tiva?
GONDZA ZVIN’WANI
Gondza u tiva lezvaku hikuyini hi tiyisekako ku a jardhim ya Edheni yive kona hakunene.
“Xana a Jardhim ya Edheni — yive kona hakunene?” (A Murindzeli wa 1 ka Janeiro wa 2011)
Gondza u tiva lezvaku hikuyini hi tiyisekako ku a misava yi ta tshama kala kupindzuka.
Wona lezvi a Bhibhiliya gi wulako xungetano hi ku hanyela co ci tiva.
Wona lezvi a wanuna wo kari loyi a nga alakanya ku i na ni zvontlhe, a nga zvi polisa zvona lezvi zvi nga kiyela wutomini gakwe.
a Ka cigondzo ci landzelako, u ta gondza ku hikuyini hi kalako hi nga hanyi a wutomi go tsakisa ni ga pindzukelwa.
