CIGONDZO 27
A kufa ka Jesu ku nga hi ponisisa kuyini?
Hina ha wonha, hi xaniseka hi tlhela hifa hi kota ya lezvi a vanhu vo sangula, Adhamu na Evha, va nga tsika ku ingisa Nungungulu. a Hambulezvo, a hi lahlekelangi magumo. Jehovha i rumele a n’wana wakwe, Jesu Kristu, kasi a ta hi tlhatlhisa ka ciwonho ni kufa. A Bhibhiliya gi gondzisa lezvaku hi kufa kakwe, Jesu i mahile a hakhelo ya kutlhatlhisa. A hakhelo ya kutlhatlhisa i ntsengo wu hakhelwako kasi ku tlhatlhisa wokari. Jesu i hakhelile hi ku nyikela a wutomi gakwe go mbhelela. (Lera Matewu 20:28.) A cikhati leci Jesu hi kuzvirandza a nga nyikela a wutomi gakwe kasi a nga hanyi kala kupindzuka laha misaveni, i no hi vhululela ndlela ya ku hi tlhela hi kuma zvontlhe lezvi Adhamu na Evha va nga zvi luza. Jesu kambe i kombile lezvi yena na Jehovha va hi randzisako zvona. A cigondzo leci ci ta ku vhuna ku engetela lezvi u ku bongisako zvona a kufa ka Jesu.
1. A kufa ka Jesu ku hi vhunisa kuyini nyamutlha?
Kota lezvi hi nga vawonhi, hi maha zvilo zvo tala zvi kalako zvi nga mu tsakisi Jehovha. Kanilezvi, loku hi ti sola zva lisine, hi kombela Jehovha lezvaku a hi tsetselela hi ku tirisa Jesu Kristu, hi tlhela hi ti karatela a ku nga ha phindi a zvihoxo lezvo, hi nga ti buza hi wunghana ga hombe na Nungungulu. (1 Johani 2:1) A Bhibhiliya gi wula lezvi: “Kristu i nofa khati gin’we zvi enela hi kota ya zviwonho, a munhu wo lulama a fela a vangalulamangiko, kasi a fela ku mu yisa ka Nungungulu.” — 1 Pedro 3:18.
2. A kufa ka Jesu ku ta hi vhunisa kuyini cikhatini ci tako?
Jehovha i rumele Jesu lezvaku a ta nyikela wutomi gakwe go mbhelela “kasi ni wihi loyi a kombisako kukholwa [ka Jesu] a nga lovisiwi, kanilezvi a kuma wutomi ga pindzukelwa”. (Johani 3:16) Hi kota ya lezvi Jesu a hi maheleko, zvezvanyana Jehovha i ta fuvisa a zvilo zvontlhe zva kubiha zvi vangilweko hi kungaingisi ka Adhamu. Lezvi zvi wula ku loku hi kombisa kukholwa ka muphahlo wa Jesu, hi tava ni thomo ga ku ti buza hi wutomi kala kupindzuka paradhiseni laha misaveni! — Isaya 65:21-23.
GONDZA ZVI ETA
Gondza u zvi zwisisa khwatsi a ku hikuyini Jesu a nga hi fela u tlhela u tiva ku a kufa kakwe ku nga ku vhunisa kuyini.
3. A kufa ka Jesu ka hi tlhatlhisa ka ciwonho ni kufa
Bisani VHIDHIO, mu gumesa mu bhula hi ciwutiso ci landzelako.
-
Zvini lezvi Adhamu a nga zvi luza a cikhati leci a nga tsika ku ingisa Nungungulu?
Lerani Va Le Roma 5:12, mu gumesa mu bhula hi ciwutiso leci:
-
A ciwonho ca Adhamu ci gi khumbisile kuyini a wutomi ga wena?
Lerani Johani 3:16, mu gumesa mu bhula hi ciwutiso leci:
-
Hikuyini Jehovha a rumeleko N’wana wakwe laha misaveni?
-
Adhamu i wa hi munhu wo mbhelela, kanilezvi hi kota ya kungaingisi kakwe a vanhu vontlhe va wonha va tlhela vafa
-
Jesu i wa hi munhu wo mbhelela, niku hi kota ya kuingisa kakwe zva koteka ku a vanhu vontlhe vava ni wutomi go mbhelela ni ku va hanya kala kupindzuka
4. A kufa ka Jesu ku nga vhuna vanhu vontlhe
Bisani VHIDHIO, mu gumesa mu bhula hi ciwutiso ci landzelako.
-
Zvi nga kotekisa kuyini a ku a kufa ka munhu mun’we ku vhuna a vanhu vontlhe?
Lerani 1 Timote 2:5, 6, mu gumesa mu bhula hi ciwutiso leci:
-
Adhamu i wa hi munhu wo mbhelela, kanilezvi kota lezvi a nga wonha, a vanhu vontlhe va wonha va tlhela vafa. Jesu yenawu i wa hi munhu wo mbhelela. Makunu Jesu ive “hakhelo ya kutlhatlhisa yi enelako vanhu vontlhe” hi ndlela muni?
5. A hakhelo ya kutlhatlhisa cinyikiwo ca Jehovha ci tako ka wena
A vanghana va Jehovha va wona hakhelo ya kutlhatlhisa kota cinyikiwo ci yako ka vona wutsumbu. Lerani Va Le Galatiya 2:20, mu gumesa mu bhula hi ciwutiso leci:
-
Mupostoli Pawule i zvi kombisile kuyini lezvaku i wa wona a hakhelo ya kutlhatlhisa kota cinyikiwo ci ngaya ka yena?
A cikhati leci Adhamu a nga wonha, yena ni vana vakwe vontlhe va no konelwa kufa. Kanilezvi Jehovha i rumele N’wana wakwe lezvaku a tafa kasi wena u kuma a thomo ga ku ti buza hi wutomi ga pindzukelwa.
Laha u lerako a mavhesi ma landzelako, zama ku alakanyela lezvi Jehovha a nga ti zwisa zvona a cikhati leci a nga wona a N’wana wakwe na a xaniseka. Lerani Johani 19:1-7, 16-18, mu gumesa mu bhula hi ciwutiso leci:
-
U ti zwisa kuyini hi lezvi Jehovha na Jesu va nga ku mahela?
A WOKARI A NGA HA WUTISA KU: “Zvi nga mahisa kuyini ku a munhu mun’we a fela vanhu vontlhe?”
-
U nga mu hlamulisa kuyini?
LEZVI HI NGA GONDZA
A kufa ka Jesu ku zima ciseketelo ca ku Jehovha a tsetselela a zviwonho zva hina, niku ku hi nyika a thomo ga ku hi ti buza hi wutomi ga pindzukelwa.
Zviwutiso zva kuvhuxeta
-
Hikuyini Jesu a fileko?
-
A wutomi ga Jesu go mbhelela give hakhelo ya kutlhatlhisa yi enelako vanhu vontlhe hi ndlela muni?
-
A kufa ka Jesu ku nga ku vhunisa kuyini?
GONDZA ZVIN’WANI
Gondza u tiva ku hikuyini a wutomi ga Jesu go mbhelela gi vitaniwako ku i hakhelo ya kutlhatlhisa.
Tiva ku hikuyini hi lavako ku ponisiwa ka ciwonho ni kufa.
Jehovha a nga tsetselela hambu a zviwonho zva hombe?
“Mihlamulo ya Biblia” (A Murindzeli wa 1 ka Maio wa 2013)
Wona lezvi a ku gondza hi muphahlo wa Kristu zvi vhunisileko zvona a wanuna wo kari loyi a ngalwa ni maalakanyo ya zvilo zvo bayisa zvi nga humelele kale.
a A ciwonho a hi ntsena cilo co biha ci mahiwako hi munhu. Kanilezvi ku wuliwa kambe a kubyekela loku hi nga nako ka ku maha zva kubiha kota lezvi hi nga vana va Adhamu na Evha.
