CIGONDZO 28

Kombisa ku wa bonga lezvi Jehovha na Jesu va ku maheleko

BISA

U ti zwisa kuyini loku a munghana wa wena a ku nyika cinyikiwo co saseka? Kuzvilava wa tsaka nguvhu u tlhela u lava ku komba a munghana wa wena ku wa ci bonga a cinyikiwo leco. Jehovha na Jesu va hi nyikile a cinyikiwo ca hombe nguvhu a ku hundza zvontlhe hi tshukileko hi amukela. Cinyikiwo muni, niku hi nga kombisa kuyini a ku ha ci bonga?

1. Hi yihi a yin’we ya tindlela ta ku komba ku ha bonga lezvi Jehovha na Jesu va hi maheleko?

A Bhibhiliya gi wula ku “ni wihi loyi a kombisako kukholwa [ka Jesu]” a nga hanya kala kupindzuka. (Johani 3:16) A ku kombisa kukholwa zvi wula yini? Zvi wula zvo hundza a ku kholwa ntsena ka Jesu. Hi fanele hi kombisa a kukholwa ka hina kambe ka zvilo lezvi hi zvi hlawulako ni zvilo lezvi hi zvi mahako. (Jakobe 2:17) A cikhati leci hi kombisako a kukholwa ka hina ka lezvi hi mahako ni lezvi hi wulako, ho tiyisa a wunghana ga hina na Jesu ni Papayi wakwe, Jehovha. — Lera Johani 14:21.

2. Hi cihi a cimaho ca lisima ci nga hi vhunako ku kombisa ku bonga hi lezvi Jehovha na Jesu va hi maheleko?

Ka wusiku go gumesa Jesu na a nga sefa, i byelile valandzeli vakwe a yin’we ya tindlela ta ku kombisa ku bonga a muphahlo wakwe. I no yimisa a cimaho co hlawuleka leci a Bhibhiliya gi ci vitanako ku “Cilalelo ca Hosi” ci tiviwako kambe ku Cialakanyiso ca kufa ka Kristu. (1 Va Le Korinte 11:20) Jesu i wa lava ku a vapostoli vakwe — ni maKristu wontlhe ya lisine andzhako kabye — va alakanya ku i nyikele a wutomi gakwe hi kota ya hina. Hikwalaho, Jesu i no wula lezvi: “Simamani ku maha lezvi kasi mu ndzi alakanya hi zvona.” (Luka 22:19) A cikhati leci u yako Cialakanyisweni, u komba ku wa bonga a lirandzo la hombe leli Jehovha na Jesu va nga nalo hi hina.

GONDZA ZVI ETA

Wona tin’wani tindlela u nga kombisako hi tona ku wa bonga a lirandzo la hombe leli Jehovha na Jesu va li kombisileko. Tiva kambe ku hikuyini a Cialakanyiso ca Kufa ka Kristu ci nga ca lisima.

3. Lezvi hi nga mahako kasi ku komba ku ha bonga

Ti alakanyele na u kari u mbombomela lomu matini, ku gumesa kuta wokari a ta ku ponisa. A ku u wa ta zvi rivala lezvi a munhu loye a ku maheleko? Kutani u wa ta hlota tindlela ta ku komba ku wa bonga hi lezvi a ku maheleko?

Hi na ni kutsumba ka ku hanya kala kupindzuka hi kota ya lezvi Jehovha a hi maheleko. Lerani 1 Johani 4:8-10, mu gumesa mu bhula hi zviwutiso lezvi:

Hikuyini a muphahlo wa Jesu wu nga cinyikiwo co hlawuleka?
U ti zwisa kuyini hi ku tiva lezvi Jehovha na Jesu va ku maheleko?

Hi nga kombisa kuyini ku ha bonga lezvi Jehovha na Jesu va hi maheleko? Lerani 2 Va Le Korinte 5:15 na 1 Johani 4:11; 5:3. Andzhako ka ku lera mutsalo wun’we ni wun’wani, bhulani hi ciwutiso leci:

Hi kuya hi mutsalo lowu, zvini zva ku hi nga maha kasi ku komba ku ha bonga?

4. Pimanyisa Jesu

A ndlela yin’wani ya ku kombisa kubonga ku pimanyisa Jesu. Lerani 1 Pedro 2:21, mu gumesa mu bhula hi ciwutiso leci:

Hi tihi tindlela ta ku landzela nkondzo wa Jesu?

Jesu i wa randza a Mhaka ya Nungungulu; i chumayele a mahungu ya manene ni ku vhuna van’wani

5. Yana Cialakanyisweni ca Kufa ka Kristu

Kasi ku wona lezvi zvi nga maheka ka khati go sangula legi ku nga mahiwa a Cilalelo ca Hosi, lerani Luka 22:14, 19, 20. Hi kulandzela, bhulani hi zviwutiso lezvi:

Zvini zvi nga maheka ka Cilalelo ca Hosi?
A pawa ni vhinyo zvi yimela yini? — Wona mavhesi 19 ni 20.

Jesu i wa lava ku a vapizani vakwe va maha Cialakanyiso khati gin’we hi lembe ka siku legi a ngafa hi gona. Hikwalaho, a Vakustumunyu va Jehovha va tlhangana lembe ni lembe kasi ku alakanya a kufa ka Kristu na va zvi mahisa lezvi a va byelisileko zvona. Kasi mu kuma masemanyana ya mutlhangano lowu wa lisima, bisani VHIDHIO, mu gumesa mu bhula hi ciwutiso ci landzelako.

VIHIDHIO: Alakanya kufa ka Jesu (1:41)

Zvini zvi mahekako Cialakanyisweni?

A pawa ni vhinyo zvi yimela cokari. A pawa yi yimela a miri wa Jesu wo mbhelela lowu a wu nyikeleko hi kota hina. A vhinyo yi yimela a nkhata wakwe

A VOKARI VE: “Kasi ku hanyiswa zvo lava ku kholwa ka Jesu basi.”

U nga mu tirisisa kuyini Johani 3:16 na Jakobe 2:17 kasi ku komba ku a ku kholwa basi ka Jesu a zvi eneli?

LEZVI HI NGA GONDZA

Hi kombisa ku ha bonga lezvi Jesu a nga hi mahela hi ku kombisa kukholwa kakwe ni kuva kona Cialakanyisweni ca kufa kakwe.

Zviwutiso zva kuvhuxeta

A ku kombisa kukholwa ka Jesu zvi wula yini?
Zvini u nga mahako kasi u kombisa ku wa bonga lezvi Jehovha na Jesu va ku maheleko?
Hikuyini zvi nga zva lisima nguvhu a kuya Cialakanyisweni ca Kufa ka Kristu?

Ndzi mbhetile a cigondzo leci hi dhiya:

Zama ku maha lezvi

Yana Cialakanyisweni ca Kufa ka Kristu ci landzelako. Wutisa a mugondzisi wa wena wa Bhibhiliya a ku ci ta mahiwa rini, u tsala siku ga kona u gi vekisa kasi u fela ku gi alakanya.

Zvin’wani:

Your other goal