CIGONDZO 33
Zvini lezvi a Mufumo wa Nungungulu wu to maha?
A Mufumo wa Nungungulu wu kari wu fuma le tilweni. Zvezvanyana wu ta fuma misaveni yontlhe. Wu ta cica misava yiva wutshamu ga ginene nguvhu. A hi wone a zvilo zvo kari zva zvinene lezvi a Mufumo wa Nungungulu wu to maha.
1. A Mufumo wa Nungungulu wu ta nehisa kuyini a kurula ni kululama laha misaveni?
Jesu, a Hosi ya Mufumo wa Nungungulu, i ta lovisa vanhu va kubiha ni mifumo ya vanhu yimpini ya Armagedhoni. (Kuvhululelwa 16:14, 16) Ka cikhati leco, ku ta tatiseka a citsumbiso leci ca Bhibhiliya, caku: “Ka ha hi cikhatanyana, a vakubiha va nga ta hava kona.” (Lisimu 37:10) Jesu i ta tirisa a Mufumo kasi a maha ku yontlhe misava yi tala hi kurula ni kululama. — Lera Isaya 11:4.
2. A wutomi gi ta tshamisa kuyini a cikhati leci a kurandza ka Nungungulu ku to mahiwa laha misaveni?
A cikhati leci a Mufumo wa Nungungulu wu to fuma misava, “a valulamileko va taga tshomba ya misava, va hanya ka yona kala kupindzuka”. (Lisimu 37:29) Hi nga ti alakanyela na u hanya ka tiko legi a vanhu vontlhe va lulamileko, va randzako Jehovha va tlhela va randzana! A ku na munhu a to babya, a vanhu vontlhe va ta hanya kala kupindzuka.
3. Zvini lezvi a Mufumo wa Nungungulu wu to maha andzhako ka ku lovisiwa ka vanhu va kubiha?
Andzhako ka ku lovisiwa ka vanhu va kubiha, Jesu i ta fuma a 1000 wa malembe. Ndzeni ka cikhati leco, yena ni lava va 144 000 va to fuma zvin’we naye, va ta vhuna vanhu laha misaveni a kuva vo mbhelela. Kumbheleni ka 1000 wa malembe, a misava yontlhe yi tava paradhise go saseka niku a vanhu vontlhe va ta ti buza hi litsako hakuva va tava na va ingisa a milayo ya Jehovha. Hi kulandzela, Jesu i ta tlhelisa a Mufumo mandleni ya Papayi wakwe, Jehovha. Ka cikhati leco, a vito ga Nungungulu gi ta ‘basisiwa’. (Matewu 6:9, 10) Zvi tava zvi tiyisilwe ku Jehovha Mufumeli wa munene, loyi a khatalako hi lava a va fumelako. Hi kugumesa, Jehovha i ta lovisa Sathani, ni madhimoni, ni lava va to hlawula ku vhukela a wuhosi gakwe. (Kuvhululelwa 20:7-10) Hi kota ya lezvi a Mufumo wa Nungungulu wu to maha, a wutomi gi ta tsakisa hi matlhelo wontlhe niku zvi ta tshamisa lezvo kala kupindzuka.
GONDZA ZVI ETA
Gondza u wona ku hikuyini hi nga kholwako ku Nungungulu i ta tirisa a Mufumo wakwe kasi ku tatisa lezvi a Bhibhiliya gi tsumbisako ku zvi ta maheka cikhatini ci tako.
4. A Mufumo wa Nungungulu wu ta fuvisa a mifumo ya vanhu
A Bhibhiliya gi wula lezvi: ‘A munhu i fumela mun’wani kasi a mu mahela kubiha.’ (Mutshawuteli 8:9) Jehovha i ta tirisa Mufumo wakwe kasi ku fuvisa a kubiha loku ku mahiwako hi mifumo ya vanhu.
Lerani Dhaniyeli 2:44 na 2 Va Le Tesalonika 1:6-8, mu gumesa mu bhula hi zviwutiso lezvi:
-
Zvini lezvi Jehovha ni N’wana wakwe Jesu va to maha a mifumo ya vanhu ni lava va yi seketelako?
-
Lezvi u nga gondza xungetano hi Jehovha na Jesu, zvi ku tiyisekisa kuyini ku a kulamula kabye ku tava ko lulama?
5. Jesu i Hosi ya yinene nguvhu
Kota Hosi ya Mufumo wa Nungungulu, Jesu i ta vhuna vanhu laha misaveni hi tindlela to tala. Bisani VHIDHIO kasi ku wona lezvi Jesu a sinako a kombisile zvona ku i na ni kuxuva ni ntamu a nyikilweko hi Nungungulu kasi ku vhuna vanhu.
A cikhati leci Jesu a nga hi laha misaveni, i nyikile a masemanyana ya lezvi a Mufumo wa Nungungulu wu to zvi maha. Zvilo muni zvi xaxametilweko laha u zvi donelako mari? Lerani a mitsalo leyi yi hi vhunako a ku gondza zvotala xungetano hi zvilo lezvo.
|
NA A HI LAHA MISAVENI, JESU I . . . |
NA A HI LE TILWENI, JESU I TA . . . |
|---|---|
|
|
|
|
|
|
|
|
6. A Mufumo wa Nungungulu wu ta hi mahela zvilo zva zvinene
A Mufumo wa Nungungulu wu ta nyika vanhu a wutomi go tsakisa legi Jehovha a nga lava ku contlhe cikhati va ti buza hi gona. A vanhu va ta hanya kala kupindzuka laha misaveni ya paradhise. Bisani VHIDHIO kasi mu wona lezvi Jehovha a mu tirisisako zvona N’wana wakwe, Jesu, kasi a tatisa a kungo gakwe.
Lerani Lisimu 145:16, mu gumesa mu bhula hi ciwutiso leci:
-
U ti zwisa kuyini hi ku tiva ku Jehovha i ta “xurisa a kunavela ka zvontlhe zvi hanyako”?
A VOKARI VE: “Loku hontlheni ho vhunana, hi nga zvi kota ku fuvisa a zvikarato laha misaveni.”
-
Zvikarato muni lezvi a Mufumo wa Nungungulu wu to zvi lulamisa zva ku a mifumo ya vanhu a yi nge zvi koti?
LEZVI HI NGA GONDZA
A Mufumo wa Nungungulu wu ta maha lezvi Nungungulu a lavako ku wu maha. Wu ta hundzula misava yontlhe yiva paradhise gi talileko hi vanhu va vanene, lava va to khozela Jehovha kala kupindzuka.
Zviwutiso zva kuvhuxeta
-
A Mufumo wa Nungungulu wu ta gi basisisa kuyini a vito ga Jehovha?
-
Hikuyini hi nga kholwako ku a Mufumo wa Nungungulu wu ta tatisa a zviphrofeto zva Bhibhiliya?
-
Ka zvontlhe a zvilo zvo tsakisa lezvi a Mufumo wa Nungungulu wu to zvi maha, hi zvihi lezvi u zvi donelako mari?
GONDZA ZVIN’WANI
Tiva ku cini a Armagedhoni.
Wona lezvi zvi to maheka kufumeni ni kugumeseni ka kufuma ka Jesu ka 1000 wa malembe.
Wona lezvi a mingango yi nga ehleketisako zvona zvin’we hi makatekwa ma to nehiwa hi Mufumo wa Nungungulu.
Ka matimu lawa yaku: “Ndzi wa hi ni zviwutiso zvo tala zvi nga ndzi karata,” wona lezvi a muhluwuki wo kari wa politika a nga yi kumisa zvona a mihlamulo ya lezvi zvi nga mu karata.
“A Bhibhiliya ga cica wutomi ga vanhu” (A Murindzeli wa 1 ka Janeiro wa 2012)
