CIGONDZO 34

Hi nga zvi kombisa kuyini a ku ha mu randza Jehovha?

BISA

Wa mu randza nguvhu Nungungulu zvezvi a ku hundza a cikhati leci u nga sangula ku gondza Bhibhiliya? Wa zvi tsakela ku simama ku tiyisa a wunghana ga wena naye? Alakanya ku laha Jehovha a wonako ku a lirandzo la wena hi yena la kula, i ta ku randza nguvhu a tlhela a ku khatalela. Kanilezvi, u nga zvi kombisa kuyini ku wa mu randza?

1. Hi nga mu kombisa kuyini Jehovha a ku ha mu randza?

Hi komba ku ha mu randza Jehovha hi ku mu ingisa. (Lera 1 Johani 5:3.) Jehovha a nga kurumeti munhu a ku mu ingisa. Kanilezvi, i nyika mun’we ni mun’wani a thomo ga ku a hlawula hi yece ku i ta mu ingisa kutani ahihi. Hikuyini a mahako lezvo? Jehovha i lava ku hi mu “ingisa na zvi sukela mbilwini”. (Va Le Roma 6:17) Lezvo zvi wula ku i lava ku hi mu ingisa hi ku ha mu randza, na ku nga hi ku hi ta kuyini basi. A cipandze 3 ni 4 zva bhuku legi zvi mahelwe ku ku vhuna a ku u komba ku wa mu randza Jehovha hi ku maha lezvi zvi mu tsakisako ni ku potsa lezvi zvi kalako zvi nga mu tsakisi.

2. Hikuyini zvi nga tshukako zvi karata a ku kombisa ku ha mu randza Jehovha?

“A zvikarato zva loyi a lulamileko zvi tele.” (Lisimu 34:19) Hontlheni hilwa ni kungambheleli ka hina venyi. Hi nga kumana ni cikarato ca wusiwana, ku mahelwa kungalulami, ni zvin’wani zvikarato. A cikhati leci hi lwisanako ni zvikarato, zvi nga hi karatela a ku maha lezvi Jehovha a lavako ku hi maha. Lezvo zvi maheka hi ku a ku nga ingisi Nungungulu zvi wonekisa ku khwatsi hi zvona zvi olovako. Kanilezvi, loku u tsumbeka, u maha lezvi Jehovha a ku byelako ku maha, u komba ku wa mu randza nguvhu a ku hundza ni cihi. U komba kambe lezvaku wa tsumbeka kakwe. Hi kota ya lezvo, Jehovha i ta tsumbeka ka wenawu niku a nga ta tshuka a ku tsika. — Lera Lisimu 4:3.

GONDZA ZVI ETA

Wona ku hikuyini Jehovha a tsakako loku u mu ingisa u tlhela u wona ku cini ci nga ku vhunako a ku simama kutsumbeka kakwe.

3. Sathani wa ku lumbeta

Lomu ka Bhibhiliya, ka bhuku ga Joba, hi gondza lezvaku Sathani i lumbetile Joba ni vanhu vontlhe lava va lavako ku tirela Jehovha. Lerani Joba 1:1, 6–2:10, mu gumesa mu bhula hi zviwutiso lezvi:

Sathani i wulile ku Joba i wa tirela Jehovha hi ku fela yini? — Wona Joba 1:9-11.
Zvini lezvi Sathani a nga lumbeta a vanhu vontlhe, a ku patsa na wena? — Wona Joba 2:4.

Lerani Joba 27:5b, mu gumesa mu bhula hi ciwutiso leci:

Joba i zvi kombisile kuyini ku hakunene i wa mu randza Jehovha?

Joba i kombile ku wa mu randza Jehovha hi ku simama a tsumbekile kakwe

Gondza u wona lezvi u nga tsumbekisako zvona ka Jehovha ni bandleni.

4. Tsakisa a mbilu ya Jehovha

Lerani Mavingu 27:11, mu gumesa mu bhula hi zviwutiso lezvi:

Jehovha i ti zwisa kuyini loku u tlhariha, u mu ingisa? Hikuyini?

5. U nga zvi kota kutsumbeka ka Jehovha

A kurandza Jehovha zvi hi kuca ku hi bhulela van’wani hi yena. A kutsumbeka ka hina ka yena zvi hi kuca a ku maha lezvo hambu loku zvi karata. Bisani VHIDHIO, mu gumesa mu bhula hi zviwutiso zvi landzelako.

VHIDHIO: Yimela a kukholwa ka wena hambu loku u vhukelwa (5:09)

Zva ku karatela a ku bhulela van’wani xungetano hi Jehovha?
Cini ci vhunileko Mário loyi hi nga mu wona a ku hlula kuchava?

Zva olova a ku tsumbeka ka Jehovha loku hi randza lezvi a zvi randzako ni ku venga lezvi a zvi vengako. Lerani Lisimu 97:10, mu gumesa mu bhula hi zviwutiso lezvi:

Hi kuya hi lezvi u gondzileko, zvilo muni zvo kari lezvi Jehovha a zvi randzako? Zvilo muni zvo kari lezvi a zvi vengako?
U nga gondzisa kuyini a ku randza zvazvinene ni ku venga zvakubiha?

6. Ha vhuneka a cikhati leci hi ingisako Jehovha

Contlhe cikhati, a ku ingisa Jehovha hi zvona zva zvinene. Lerani Isaya 48:17, 18, mu gumesa mu bhula hi zviwutiso lezvi:

U alakanya ku hi nga tsumba ku contlhe cikhati Jehovha wa zvi tiva lezvi zvi nga zvinene ka hina? Hikuyini?
Lezvi u nga gondza hi Bhibhiliya ni Nungungulu wa lisine, Jehovha, zvi ku vhunisa kuyini kala lezvi?

A VOKARI VE: “A hi nge zvi koti ku maha zvilo zvi tsakisako Nungungulu.”