CIGONDZO 45
Zvi wula yini a ku nga ti ngheniseli ka zvilo zva tiko?
Jesu i byelile a valandzeli vakwe lezvaku va ‘ngavi va tiko’. (Johani 15:19) Lezvo zvi patsa a ku kala hi nga ti ngheniseli ka zvilo zva politika kutani ka tiyimpi ta misava leyi. Kanilezvi a lisine ku a hi contlhe cikhati zvi olovako a ku kala hi nga ti ngheniseli ka zvilo zva tiko. A van’wani va nga hi poyilela hi kota ya lezvo. Makunu, hi nga zvi kotisa kuyini a ku kala hi nga ti ngheniseli ka zvilo zva tiko hi tlhela hi simama ku tsumbeka ka Jehovha?
1. A maKristu ya lisine ma yi wonisa kuyini a mifumo ya vanhu?
A maKristu ma yi kombisa cichavo a mifumo. Hikwalaho, hi maha lezvi Jesu a nga wula, zvaku: “Tlhelisani ka Khezari lezvi zvi nga zva Khezari”. Lezvi zvi wula ku ha ingisa a milayo ya tiko yo kota ku hakhela mikhupo. (Marku 12:17) A Bhibhiliya gi gondzisa lezvaku a mifumo ya vanhu yo fuma ntsena hi lezvi Jehovha a yi vhumelelako ku fuma. (Va Le Roma 13:1) Hikwalaho, ha zvi tiva lezvaku a mifumo ya vanhu ya gumelwa niku a yi na ntamu wa ku fana ni Mufumo wa Nungungulu. Hi rindzela lezvaku a Nungungulu wa hina ni Mufumo wakwe wa le tilweni wu ta mbheta a zvikarato zva vanhu.
2. Hi nga zvi kombisa kuyini lezvaku a hi ti ngheniseli ka zvilo zva tiko?
A ku fana na Jesu a hi ti ngheniseli ka politika. A cikhati leci a vanhu va nga wona a cin’we ca zvihlamaliso zva Jesu va zamile ku mu maha hosi, kanilezvi yena a nga vhumelangi. (Johani 6:15) Hikuyini a nga ala? Lezvi a nga wula hi kulandzela zva hi nyika hlamulo. I te: “A Mufumo wa mina a hi wa tiko legi.” (Johani 18:36) Kota lezvi hi nga valandzeli va Jesu, hi kombisa lezvaku a hi ti ngheniseli ka zvilo zva politika hi tindlela to tala. Hi cikombiso, a hiyi yimpini. (Lera Mika 4:3.) Ha kombisa cichavo hi bhandera ga tiko, kanilezvi a hi gi khozeli. (1 Johani 5:21) A hi seketeli a mapartidho ya politika ni varangeli va wona, ne a hi lwisani navo. Hi tindlela leti ni tin’wani, hi kombisa lezvaku ha tsumbeka hi kumbhelela ka mufumo wa Nungungulu.
GONDZA ZVI ETA
Wona a zviyimo zvo kari zvi nga mahako ku zvi hi karatela a ku nga ti ngheniseli ka zvilo zva tiko, u tlhela u wona lezvi hi nga mahisako zvona a zviboho zvi to tsakisa Jehovha.
3. A maKristu ya lisine a ma ti ngheniseli ka zvilo zva tiko
Jesu ni vapizani vakwe va hi vekele cikombiso ca ci nene. Lerani Va Le Roma 13:1, 5-7 na 1 Pedro 2:13, 14. Andzhako ka lezvo, bisani VHIDHIO mu gumesa mu bhula hi zviwutiso zvi landzelako.
-
Hikuyini hi faneleko ku yi kombisa cichavo a mifumo ya vanhu?
-
Hi tihi tindlela to kari hi nga kombisako hi tona lezvaku ha ingisa mifumo ya vanhu?
Loku ku hi ni yimpi, a matiko yo kari ma nga wula lezvaku a ma ti ngheniseli ka yona, lezvo na ma kari ma vhunetela lava va lwako. Hi nga zvi kombisa kuyini lezvaku a hi nyimi ni tlhelo go kari? Lerani Johani 17:16. Andzhako ka lezvo, bisani VHIDHIO mu gumesa mu bhula hi ciwutiso ci landzelako.
-
Zvi wula yini a ku nga ti ngheniseli ka zvilo zva tiko?
Hi nga maha yini loku a mufumo wu hi kurumeta ku maha zvilo zvi lwisanako ni nayo wa Nungungulu? Lerani Mitiro 5:28, 29. Andzhako ka lezvo, bisani VHIDHIO mu gumesa mu bhula hi zviwutiso zvi landzelako.
-
Loku a nayo wa vanhu wu lwisana ni nayo wa Nungungulu hi wihi hi faneleko ku wu ingisa?
-
U nga alakanyela a ciyimo co kari leci a maKristu ma kalako ma nga ingisi a mufumo ka cona ke?
4. U nga ti ngheniseli ka zvilo zva tiko hi maalakanyo ni mitiro
Lerani 1 Johani 5:21. Andzhako ka lezvo, bisani VHIDHIO mu gumesa mu bhula hi zviwutiso zvi landzelako.
-
Hikuyini Ayenge a nga kala ku seketela a partidho ya politika kutani ku patseka ka zvilo zvo kota ku losa bhandera?
-
U alakanya ku i mahile ciboho ca ci nene?
Hi zvihi a zviyimo zvin’wani zvi nga ringako a ku nga ti ngheniseli ka hina ka zvilo zva tiko? Bisani VHIDHIO, mu gumesa mu bhula hi zviwutiso zvi landzelako.
-
Hi nga simamisa kuyini hi ngavi ni tlhelo mhakeni ya zvibela-bela?
-
Hi nga simamisa kuyini a kungatingheniseli ka zvilo zva tiko loku a mufumo wu maha zviboho zvi hi khumbako?
-
A zvilo hi zvi zwako ka mahungu ni ka vanhu van’wani zvi nga ci khumbisa kuyini a ciboho ca hina ca ku nga ti ngheniseli ka zvilo zva tiko?
Hi ka zvipandze muni lezvi a muKristu a faneleko ku potsa ku ti nghenisela ka zvilo zva tiko hi maalakanyo ni mitiro?
A WOKARI A NGA HA WUTISA KU: “Hikuyini u nga khozeliko bhandera kutani ku yimbelela hino?”
-
U wa ta mu hlamulisa kuyini?
LEZVI HI NGA GONDZA
A maKristu ma maha zvontlhe ma zvi kotako kasi ma nga ti ngheniseli ka politika, hi maalakanyo, hi magezu, ni zvimaho.
Zviwutiso zva kuvhuxeta
-
Zvini hi faneleko ku nyika mifumo ya vanhu?
-
Hikuyini hi kalako hi nga ti ngheniseli ka politika?
-
Zviyimo muni zvi nga ringako a ciboho ca hina ca ku nga ti ngheniseli ka zvilo zva tiko?
GONDZA ZVIN’WANI
Kutikarata muni zvi nga lavako ku hi ku maha kasi hi nga ti ngheniseli ka zvilo zva tiko?
Zvini lezvi a mingango yi nga mahako kasi yi ti longisela a ku lwisana ni ciringo ca ku kurumetiwa ku ti nghenisela ka zvilo zva tiko?
U nga ti ngheniseli ka zvatiko lomu ka zvimaho zva hombe (4:25)
Hikuyini a ku lwela a tiko wu nga hiko nchumu wu nga mu nehelako a wudzundzo ga hombe munhu?
Wona lezvi zvi nga ku vhunako a ku simama u nga mahi cipandze ca tiko a cikhati leci u mahako ciboho ci yelanako ni ntiro.
