CIGONDZO 47

U longile ku bhabhatiswa?

BISA

Kala laha, u gondzile zvotala xungetano hi Jehovha ka cigondzo ca wena ca Bhibhiliya. Kuzvilava u cicile zvokari wutomini ga wena kasi u sangula ku hanya hi lezvi u gondzako. Hambulezvo, kuzvilava ku na ni zvokari zvi ku tsandzekisako a kuva u ti nyikela ka Jehovha u tlhela u bhabhatiswa. Ka cigondzo leci, hi ta bhula hi zvilo zvo kari zvi talako ku tsandzekisa vanhu a ku bhabhatiswa; hi ta tlhela hi wona lezvi u nga zvi hlulisako zvona.

1. U fanele ku tiva zvontlhe lezvi a Bhibhiliya gi gondzisako kasi u bhabhatiswa?

Kasi u bhabhatiswa, u fanele kuva “ni wutivi ga lisine xungetano hi lisine”. (1 Timote 2:4) Lezvo a zvi wuli ku na u nga se bhabhatiswa u fanele ku tiva a mihlamulo ya zviwutiso zvontlhe xungetano hi Bhibhiliya. Hambu a maKristu lawa ma nga ni malembe yo tala na ma bhabhatisilwe ma ha simama ku gondza. (Va Le Kolosi 1:9, 10) Kanilezvi zvi lava ku u zwisisa a tigondzo-tshinya ta Bhibhiliya. A madhota ya bandla ma ta ku vhuna a ku tiva ku u na ni wutivi go enela kasi u bhabhatisiwa ke.

2. Zvilo muni u faneleko ku maha na u nga se bhabhatiswa?

Na u nga se bhabhatiswa, u fanele ku ‘ti sola, u hundzuluka’. (Lera Mitiro 3:19.) Lezvo zvi komba ku wa ti laya hi mbilu yontlhe hi kota ya ni wihi nchumu wo biha u wu mahileko cikhatini ci hundzileko niku u kombela Jehovha lezvaku a ku tsetselela. Zvi komba kambe lezvaku u ti yimisele ku hanya hi ndlela yi tsakisako Nungungulu niku a wa ha zvi lavi ku maha ni wihi nchumu lowu Nungungulu a nge wu bihile. Ahandle ka lezvo, u fanele kuya mitlhanganweni ya bandla u tlhela u chumayela kota muhuweleli wo kala ku bhabhatiswa.

3. Hikuyini u nga faneliko ku chava ku bhabhatiswa?

A vokari va chava lezvaku va nga ta zvi kota ku maha lezvi va tsumbisileko Jehovha. Lisine ku ka zvikhati zvo kari u ta maha zvihoxo. Hambu a vavanuna ni vavasati vo tsumbeka va kumbukiwako lomu ka Bhibhiliya va wa maha zvihoxo. Kanilezvi alakanya ku Jehovha a nga rindzeli lezvaku a malandza yakwe mava yo mbhelela. (Lera Lisimu 103:13, 14.) Wa tsaka loku a ku wona na u maha zvontlhe zvi nga ntan’wini wa wena kasi u nga mu khunguvanyisi! I ta ku vhuna. Kunene, Jehovha i hi tsumbisa lezvaku ci hava ci to “zvi kota ku hi hambanisa ni lirandzo [lakwe]”. — Lera Va Le Roma 8:38, 39.

GONDZA ZVI ETA

Wona lezvi a ku mu tiva khwatsi Jehovha ni ku vhumela ku vhuniwa hi yena zvi nga ku vhunisako zvona a ku hlula ni wihi nchumu wu nga ku tsandzekisako ku bhabhatiswa.

4. Ti karatele ku mu tiva khwatsi Jehovha

U fanele ku mu tiva kala kwihi Jehovha na u nga se bhabhatiswa? U fanele ku mu tiva laha ka kuza u zvi kota ku mu randza u tlhela u xuva ku mu tsakisa. Bisani VHIDHIO kasi mu wona lezvi a zvigondzani zva Bhibhiliya misaveni yontlhe zvi mahako kasi zvi mu tiva khwatsi Jehovha. Andzhako ka lezvo, bhulani hi ciwutiso ci landzelako.

VHIDHIO: Ndlela ya kuya kubhabhatisweni (3:56)

Zvini zvi vhunileko a vanhu vo kari hi nga va wona ka vhidhio lezvaku va ti longisela kasi va bhabhatiswa?

Lerani Va Le Roma 12:2, mu gumesa mu bhula hi zviwutiso lezvi:

U na ni kukanakana ko kari xungetano hi lezvi a Bhibhiliya gi gondzisako kutani wa kanakana ku a Vakustumunyu va Jehovha va gondzisa lisine?
Loku u hi ni kukanakana ko kari, zvini u faneleko ku maha?

5. Hlula lezvi zvi nga ku tsandzekisako ku bhabhatiswa

Hontlheni ha kumana ni zvikarato laha hi mahako ciboho ca ku ti nyikela ka Jehovha hi tlhela hi bhabhatiswa. Kasi u wona cikombiso co kari, bisani VHIDHIO, mu gumesa mu bhula hi zviwutiso zvi landzelako.

VHIDHIO: A ku randza Jehovha zva vhuna a ku hlula zvikarato (5:22)

Kota lezvi u zvi wonileko ka vhidhio, zvikarato muni lezvi Narangerel a nga zvi hlula kasi a tirela Jehovha?
A ku randza Jehovha zvi mu vhunisile kuyini a ku hlula zvikarato lezvo?

Lerani Mavingu 29:25 na 2 Timote 1:7, mu gumesa mu bhula hi ciwutiso leci:

Cini ci hi tiyisako hlanha kasi hi hlula zvikarato?

6. Tsumba ku Jehovha i ta ku vhuna

Jehovha i ta ku vhuna ku u maha lezvi zvi mu tsakisako. Bisani VHIDHIO, mu gumesa mu bhula hi zviwutiso zvi landzelako.

VHIDHIO: Jehovha Nungungulu i ta ku vhuna (2:50)

Zvini zvi nga maha ku a cigondzani ca Bhibhiliya hi ci wonileko ka vhidhio ci kanakana ku bhabhatiswa?
Cini ci mu vhunileko ku engetela ku tsumba Jehovha?

Lerani Isaya 41:10, 13, mu gumesa mu bhula hi ciwutiso leci:

Cini ci nga ku tiyisekisako lezvaku u ta zvi kota ku tatisa a citsumbiso leci u mahileko a cikhati leci u nga ti nyikela ka Jehovha?

7. Engetela ku bonga Jehovha hi kota ya lirandzo leli a ku kombisako

Laha u yako u ehleketa hi lezvi Jehovha a ku randzisako zvona, u taya u mu bonga nguvhu niku u ta engetela ku zvi xuva nguvhu ku mu tirela kala kupindzuka. Lerani Lisimu 40:5, mu gumesa mu bhula hi ciwutiso leci:

Ka makatekwa lawa Jehovha a ku nyikileko, hi wahi ma ku tsakisako nguvhu?

Muphrofeti Jeremiya i wa mu randza Jehovha ni mhaka yakwe niku i wa gi nyika nguvhu lisima a thomo ga ku vitaniwa hi vito ga Jehovha. I wulile lezvi: “A mhaka ya wena yi nova litsako ni kunengela ka mbilu ya mina hakuva ndza vitaniwa hi vito ga wena, O Jehovha, Nungungulu.” (Jeremiya 15:16) Hlamula a zviwutiso lezvi:

Hikuyini a kuva Kustumunyu wa Jehovha gi nga thomo ga hombe nguvhu?
Wa zvi lava ku bhabhatiswa kota Kustumunyu wa Jehovha?
A ku ci kona ci ku tsandzekisako ku bhabhatiswa?
U alakanya ku zvini u faneleko ku maha kasi u ringanelwa hi ku bhabhatiswa?

A VOKARI VE: “Ndza chava a ku bhabhatiswa ndzi gumesa ndzi gohela Jehovha.”

Wena u ti zwisa kuyini?

LEZVI HI NGA GONDZA

Hi ku vhuniwa hi Jehovha u nga zvi kota ku hlula ni wihi nchumu wu nga ku tsandzekisako ku bhabhatiswa.

Zviwutiso zva kuvhuxeta

A ku u fanele ku tiva zvontlhe lezvi a Bhibhiliya gi gondzisako kasi u bhabhatiswa ke?
Zvini lezvi zvi nga lavako ku u cica na u nga se bhabhatiswa?
Hikuyini u nga faneliko ku chava ku bhabhatiswa?

Ndzi mbhetile a cipandze leci hi dhiya:

Zama ku maha lezvi

Lera a ndzima yi nge: “Ndzi longile a ku chumayela ni bandla?” ni leyi yi nge: “Ndzi longile ku bhabhatiswa?” ti nga magumo ka Cipandze 4.

Zvin’wani:

Your other goal