CIGONDZO 57
U ta kuyini loku u maha a ciwonho ca hombe?
Hambu lezvi u mu randzako nguvhu Jehovha ni lezvi u ti karatelako ku potsa ku maha zvilo zvi nga mu zangarisako, u ta tshuka u maha zvihoxo. A zviwonho zvo kari zvi tshingile a ku hundza zvin’wani. (1 Va Le Korinte 6:9, 10) Loku u maha a ciwonho ca hombe, alakanya lezvaku Jehovha wa ha ku randza; i longile ku ku tsetselela ni ku ku vhuna.
1. Zvini hi faneleko ku maha kasi Jehovha a hi tsetselela?
Lava va mu randzako Jehovha va bayiseka nguvhu loku va pola ku va mahile ciwonho ca hombe. Kanilezvi va chavelelwa hi citsumbiso leci Jehovha a nga byela vanhu vakwe, caku: “Hambu loku a zviwonho zva n’wina zvi pswhukile, zvi ta basa zvi fana ni gapongo.” (Isaya 1:18) Loku hi ti sola hi mbilu yontlhe, Jehovha i ta hi tsetselela zvi hundza. Hi nga zvi kombisa kuyini ku ha ti sola? Hi ku tsika ku maha zvilo zvo biha hi tlhela hi khongotela Jehovha lezvaku a hi tsetselela. Hi kulandzela, hi ti karatela ku cica a maalakanyo yo biha kutani mukhuwo wo biha lowu wu hi mahileko hi wonha, hi gumesa hi zama ku hanya hi kuya hi milayo ya Jehovha. — Lera Isaya 55:6, 7.
2. Jehovha i ma tirisisa kuyini a madhota kasi ku hi vhuna loku hi wonhile?
Loku hi maha a ciwonho ca hombe, Jehovha i hi byela ku hi ‘vitana a madhota ya bandla’. (Lera Jakobe 5:14, 15.) A madhota ma mu randza Jehovha ni lava va mu khozelako. Ma ringanelwa hi ku hi vhuna a ku hi tlhela hi vhuxa a wunghana ga hina na Jehovha. — Va Le Galatiya 6:1.
A madhota ma hi vhunisa kuyini loku hi mahile ciwonho ca hombe? A madhota mambiri kutani manharu ma ta tirisa mitsalo ya Bhibhiliya kasi ku hi komba ku hikuyini lezvi hi mahileko zvi bihileko. Ma ta tlhela ma hi nyika mawonela ni wusungukati gi to hi vhuna ku hi nga tlheli hi wonha. Kasi ku vhikela bandla ka mahanyela yo biha, a madhota ma susa ni wihi munhu a mahako zviwonho zva hombe a tlhela a nga ti soli.
GONDZA ZVI ETA
Wona lezvi Jehovha a nga hi vhunisako zvona loku hi maha ciwonho ca hombe.
3. A ku wulela zviwonho zva hi vhuna ku vhuxa a wunghana ga hina na Jehovha
Ni cihi ciwonho hi mahako ca mu pandza mbilu Jehovha, hikwalaho, hi fanele ku tekela ku ci wulela kakwe. Lerani Lisimu 32:1-5, mu gumesa mu bhula hi ciwutiso leci:
-
Hikuyini zvi hi vhunako a ku wulela zviwonho zva hina ka Jehovha wutshan’wini go zama ku zvi fihla?
Loku hi kombela a civhuno kambe ka madhota andzhako ka loku hi wulele a zviwonho zva hina ka Jehovha, hi sala hi pepile. Bisani VHIDHIO, mu gumesa mu bhula hi ciwutiso ci landzelako.
-
A madhota ma mu vhunisile kuyini Canon a ku a tlhelela ka Jehovha?
Hi fanele ku byela madhota zvontlhe hi zvi tivako, hi nga fihli nchumu hakuva wona ma lava ku hi vhuna. Lerani Jakobe 5:16, mu gumesa mu bhula hi ciwutiso leci:
-
Hikuyini zvi to olovela madhota ku ma hi vhuna loku hi nga fihli nchumu?
Wulela ciwonho ca wena, u nga ma fihleli nchumu a madhota niku vhumela a civhuno ca Jehovha ca lirandzo
4. Jehovha i va kombisa tipswalo a vawonhi
Loku a munhu loyi a mahileko ciwonho ca hombe a ala ku landzela a milayo ya Jehovha, a nga ha vhumelelwi ku simama lomu bandleni. O susiwa bandleni niku a ha ha hlengeli naye ka mibuzo kutani ka ku hlakana. Lerani 1 Va Le Korinte 5:6, 11, mu gumesa mu bhula hi ciwutiso ci landzelako:
-
A comelo gi kukumukisa a mapa wontlhe. Makunu a ku bhula ni muwonhi a kalako a nga ti soli zvi nga khumbisa kuyini a bandla?
Kasi ku pimanyisa a tipswalo leti Jehovha a kombisako a vawonhi vo kala kumbhelela, a madhota ma lavetela lava va susilweko kasi ma va vhuna a ku wuya bandleni. A votala va wuyile bandleni hakuva hambu lezvi a kukawukiwa zvi bayisako zvi va vhunile ku va wuya ndleleni. — Lisimu 141:5.
Lezvi Jehovha a va khomisako zvona a vawonhi zvi zvi kombisisa kuyini a ku yena munhu wo ringanisela, wa tipswalo ni wa lirandzo?
5. Jehovha wa hi tsetselela loku hi ti sola
Jesu i tirisile a mufananiso wu hi vhunako ku zwisisa lezvi Jehovha a ti zwisako zvona loku a munhu wo kari a ti sola. Lerani Luka 15:1-7, mu gumesa mu bhula hi ciwutiso ci landzelako:
-
A mufananiso lowu wu ku gondzisa yini hi Jehovha?
Lerani Ezekiyeli 33:11, mu gumesa mu bhula hi ciwutiso leci:
-
Zvilo muni hi faneleko ku maha kasi ku komba lezvaku ha ti sola hi mbilu yontlhe?
Jehovha i fana ni murisi; wa khatala nguvhu hi tiyivhu takwe
A VOKARI VE: “Ndza chava ku loku ndzi ma byela ciwonho ca mina a madhota, ndzi ta susiwa bandleni.”
-
U wa ta ku yini ka munhu a alakanyako lezvo?
LEZVI HI NGA GONDZA
Loku hi maha a ciwonho ca hombe, hi gumesa hi ti sola hi mbilu yontlhe hi tlhela hi ti yimisela ku tsika ku maha a zvakubiha, Jehovha i ta hi tsetselela.
Zviwutiso zva kuvhuxeta
-
Hikuyini zvi nga zvi nene a ku hi wulela zviwonho zva hina ka Jehovha?
-
Zvini hi faneleko ku maha kasi Jehovha a tsetselela zviwonho zva hina?
-
Loku hi maha a ciwonho ca hombe, hikuyini hi faneleko ku lava civhuno ka madhota?
GONDZA ZVIN’WANI
Wona lezvi Jehovha a nga mu kombisisa zvona a wuxinji legi gi tlhamuselwako ka Isaya 1:18 a wanuna wo kari.
A kususiwa ka munhu lomu bandleni ku gi vhunisa kuyini a bandla gontlhe?
“A madhota ma kombisa kuyini a lirandzo ni wuxinji ka muwonhi?” (A Murindzeli wa Agosto wa 2024)
Gondza u tiva lezvi u nga mu tlhamuselisako zvona a munhu wo kala a nga hi Kustumunyu a mhaka ya kususiwa lomu bandleni.
Ka matimu lawa yaku: “Ndzi wa fanele ku tlhelela ka Jehovha,” gondza u wona lezvi a wanuna wo kari a nga tsikile lisine a nga zvi wonisa zvona ku Jehovha a nga mu wuyisa.
“A Bhibhiliya ga cica wutomi ga vanhu” (A Murindzeli, 1 ka Abril wa 2012)
