Hi yihi ndlela ya ku gondza Bhibhiliya hi ku tirisa bhuku legi?
A ku sangula, wona a pajina legi gi nyikako a masemanyana ya kona, u gumesa u bisa VHIDHIO.
CIPANDZE CO SANGULA
Kasi ku longisela cigondzo cin’we ni cin’wani, lera cipandze co sangula. A zviwutiso zvi timisilweko (A) ni mitsalo (B) zvi khanyisa a timhaka tshinya. Wona ku a mitsalo yo kari yi tsalilwe ku “lerani”.
CIPANDZE CA LAHA CIKARI
A magezu yo sangula (C) laha kaku Gondza zvi eta ma tlhamusela lezvi mu to gondza hi kulandzela. A zvihlokwana zva mhaka (D) zvi komba timhaka-tshinya. Na u hi ni mugondzisi wa wena, lerani mitsalo, u hlamula zviwutiso, mu tlhela sixtira tivhidhio.
Ka cigondzo cin’we ni cin’wani u ta kuma makwadru ma nga ni VHIDHIO yi nga ni mahungu yo engeteleka xungetano hi Mhaka leyo. A tivhidhio to kari ti wulawula hi zvilo zvi mahekileko. A tin’wani zvikombiso basi zvi kombisako zvilo zvi mahekako kuhanyeni.
Cuwukisisa khwatsi a mifota ni magezu ya yona (E), u tlhela u ehleketa hi lezvi u nga hlamulisako zvona laha kaku A vokari ve (F).
CIPANDZE CO GUMESA
A cipandze Lezvi hi nga gondza ni Zviwutiso zva kuvhuxeta (G) zvi songa a cigondzo contlhe. Tsala a siku legi u gumesako hi gona a cigondzo leco. A cipandze Zama ku maha lezvi (H) ci ku nyika zvokari u faneleko ku tirela ka zvona. Laha kaku Gondza zvin’wani (I) ku na ni mahungu man’wani u nga lerako kutani ku sixtira.
Lezvi zvi nga ndzeni
|
|
|
|
U nga ma kumisa kuyini a mavhesi ya Bhibhiliya?
A Bhibhiliya gi wumbiwa hi 66 wa mabhuku ya matsongwani. Gi avanyisilwe hi zvipandze zvimbiri: Mitsalo ya ciHebheru ni ciAramaiko (“Testamenta ga Kale”) ni Mitsalo ya ciGreki (“Testamenta ga Giswa”).
Loku ku kumbukiwa mutsalo lomu ka bhuku legi, u ta wona hi vito ga bhuku ga Bhibhiliya (A), ku landzela a cipimo (B), ni vhesi kutani mavhesi (C).
Hi cikombiso, a ku Johani 17:3 zvi wula bhuku ga Johani cipimo 17 vhesi 3.
