U alakanya yini hi wumanziko?
Xana a misava yi ta . . .
-
tshamisa zezi?
-
simama yi biha nguvu?
-
chukwata?
LEZI A BIBLIA GI ZI WULAKO
“Nungungulu . . . i ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa; hakuva a zilo zo sangula zi hunzile.” — Kuvululelwa 21:3, 4.
LEZI U ZI BHINZULAKO HI KU KHOLWA LEZO
U tava ni ntiro wo nyawula ni wo tsakisa. — Isaya 65:21-23.
A mababyi ni kuxaniseka zi nga ta hava kona. — Isaya 25:8; 33:24.
U tava ni wutomi gi nga mbheliko ni go tsakisa, na u hi zinwe ni ngango wa wena ni vanghana. — Tisimu 37:11, 29.
XANA LEZI A BIBLIA GI ZI WULAKO ZA TSUMBEKA HAKUNENE?
Ina, hi zigelo zimbiri hi wutsongwani ga kona:
-
Nungungulu wa zi kota ku tatisa lezi a zi tsumbisako. Lomu ka Biblia hi Jehova Nungungulu yece a vitwako “Nyamintamu,” hakuva i na ni ntamu wu nga mbheliko. (Kuvululelwa 15:3) Hikwalaho, yena wa zi kota ku tatisa khwatsi a xitsumbiso xakwe xa ku cica a misava leyi lezaku yiva yinene. Kota lezi a Biblia gi zi wulako, a “zilo zontlhe za koteka ka Nungungulu.” — Mateu 19:26.
-
Nungungulu wa xuva ku tatisa zitsumbiso zakwe. Hi xikombiso, Jehova wa ‘xuva’ ku tlhelisela wutomi a vanhu va fileko. — Joba 14:14, 15.
A Biblia gi komba kambe lezaku Jesu, N’wana wa Nungungulu, i hanyisile vababyi. Hikuyini a mahileko lezo? Hi lezaku yena i wa xuva ku maha lezo. (Marku 1:40, 41) Jesu i kombisile hi kumbhelela a wumunhu ga Dadani wakwe hi ku xuva ku vuna lava va nga hi kuxanisekeni. — Johani 14:9.
Hikwalaho, ha zi kota ku tiyiseka ku Jehova na Jesu va xuva ku hi vuna lezaku hi ti buza hi wumanziko go tsakisa! — Tisimu 72:12-14; 145:16; 2 Pedro 3:9.
ALAKANYELA LEZI
Xana Nungungulu i ta yi chukwatisisa kuyini misava leyi?
A Biblia ga hlamula a xiwutiso lexi ka MATEU 6:9, 10 ni ka DANIELI 2:44.
Hi alakanya ku u ta zvi tsakela
A MURINDZELI
Lisine xungetano hi zvilo zva cikhati ci tako
Tiyisa a kutsumba ka wena ka lezvi Nungungulu a zvi wulako xungetano hi zvilo zva cikhati ci tako laha misaveni ni vanhu lava vo to hanya ka yona.
TIGONDZO-TSHINYA TA BHIBHILIYA
Cini a Mufumo wa Nungungulu?
Ntirweni wakwe wa ku Chumayela, Jesu i wulawulile nguvu hi Mufumo wa Nungungulu a ku hundza ni yihi mhaka. Hi malembe yo tala a valandzeli vakwe va kari va khongela lezvaku a Mufumo lowo wuta.
A MURINDZELI
Zvini lezvi a Mufumo wa Nungungulu wu to maha?
Jesu i wa zvi tiva lezvaku Mufumo wa Nungungulu basi wu nga zvi kotako ku mbheta a zvikarato laha misaveni. Zvini lezvi a Mufumo wa Nungungulu wu sinako wu zvi mahile kasi ku tiyisa a kutsumba ka hina?
HI HINA VAMANI?
Kombela ku endzelwa
Bhula xungetano hi ciwutiso ca Bhibhiliya kutani ku gondza zvin’wani xungetano hi Vakustumunyu va Jehovha.
