Ka tiko legi gi teleko hi zvikarato, a kukarateka kuya ku engetela nguvhu. Hikwalaho, a vanhu vo tala va tsika zvikarato lezvo zvi wonha wunghana gabye ni van’wani na ku nga hi kurandza kabye.

• A vanhu vo kari va ti tsawukanisa ni vanghana vabye.

• Lava va chadhileko va tshama hi ku holova.

• A vapswali va khatala kutsongwani kutani ku nga khatali futsi hi zvikarato zva vana vabye.

• A vanghana va vanene va lisima nguvhu hakuva va maha ku hi hanya khwatsi hi tlhelo ga miri ni ga kutizwa, nguvhunguvhu zvikhatini zva zvikarato.

• A kukarateka ku vangiwako hi ciyimo ca tiko ku nga khumba ngango wa hina hi ndlela ya ku hi wa nga se tshuka hi yi alakanyela.

• A mahungu ya hava ma nga khumba a vana va wena hi ndlela ya ku u wa nga se yi alakanyela.

A Bhibhiliya gi wula lezvi: ‘A lirandzo la munghana la su tsoma contlhe cikhati, ni nakulobye i pswalelwe ku vhunetela kuxanisekeni.’ — Mavingu 17:17.

Ehleketa hi wokari a ku seketelako wa ku a nga ku nyika wusungukati ga ginene. A ku tiva ntsena lezvaku a wokari wa khatala hi hina zvi nga hi nyika ntamu wa ku lwisana ni zvikarato.