A vanhu vo tala zvi lava ku va tira hi kutikarata siku ni siku kasi ku va kuma zvilo zva tshinya kasi ku hanya. A ya hava hi ku a zvikarato zva tiko legi zvi maha ku lezvo zvi karata nguvhu. Hikuyini?

• Loku ku humelela cikarato, a zvilo zvi dhura nguvhu, a ku patsa ni zvakuga ni ka ku tshama kona.

• A cikarato ci nga maha lezvaku ku vhumaleka mitiro kutani ku a miholo yi hunguleka.

• A timhango ti nga wonha kutani ku hahlula zvitolo, ni mimiti ni zvin’wani. Lezvo zvi maha ku a vanhu vo tala va sala wusiwaneni.

• Loku u zvi kota ku yi tirisa khwatsi a mali ya wena, u tava u longile a ku lwisana ni zvikarato.

• A kuva ni mali a hi zvilo zva kala kupindzuka; a muholo wa wena, ni mali leyi u veketelako, ni titshomba leti u nga nato zvi nga tshuka zvi luza lisima.

• Ku na ni zvilo zva ku a zvi xaviwi hi mali, zvo kota litsako ni ngango wu boheneko.

A Bhibhiliya gi wula lezvi: “Loku hi hi ni zvakuga ni tinguwo, a hi tsakeni hi zvalezvo”. — 1 Timote 6:8.

A ku tsaka zvi patsa ku hi nga pimisi nguvhu hi lezvi hi zvi navelako ni ku hi xalala loku hi kuma lezvi zvi lavekako kasi ku hanya. Lezvo zva lisima nguvhu, nguvhunguvhu loku a mali yi hi kalela.

Kasi hi tsaka kuzvilava zvi nga lava ku hi olovisa wutomi ga hina. Loku u tirisa mali yo tala a ku hundza leyi u yi kumako, a ciyimo ca wena ca timali ci toya ci bindza nguvhu.