A hlamulo wa ciwutiso leci wu khumba lezvi hi gi wonisako zvona wutomi.

Ina zva zwala ku Nungungulu loyi a vangileko zvilo zva sasekela ga cima tikweni i wa ta hi konela ku hanya wutomi go xaniseka?

A vanhu va nga lumbiko wukhongeli va wona kuxaniseka kota cigelo ca ku kanakanela a mixuvo ya Nungungulu — hambu ku mu kanakanela ku i kona. Va alakanya ku a kuxaniseka ku komba ku (1) Nungungulu a nga na ntamu wa ku vhala kuxaniseka, (2) Nungungulu a nga na mhaka ni ku vhala kuxaniseka, kutani ku (3) Nungungulu a nga kona.

A ka ha hi na zvin’wani ahandle ka lezvi?

Nungungulu a nga hi vangelangi ku hi xaniseka.

I lava lezvaku hi ti buza hi wutomi.

‘Zvi va sasekelako nguvhu hi ku ti tsakela ni ku tshameka khwatsi kuhanyeni kabye. Ni kambe, loku munhu aga, anwa, a tsakela ntirweni wakwe wontlhe, cinyikiwo ca Nungungulu.’ — MUTSHAWUTELI 3:12, 13.

Nungungulu i nyikile a vanhu vambiri vo sangula a masangulo yo mbhelela.

A nga va mahelangi kuxaniseka — ne vona, ne a vana vabye.

‘Nungungulu i lo va laya, aku: Pswalani, mu andza, mu tata misava, mu yi fumela.’ — GENESISI 1:28.

A vanhu vambiri vo sangula va no hlawula ku ti tlhatlha ka Nungungulu va ti hanyela gabye.

Kota mbhandzu wa lezvo, va no neha hlomulo ka vona venyi ni ka vana vabye vontlhe.

A ku khwatsi hi lezvi a ciwonho ci nga nghena tikweni hi kota ya munhu mun’we, ni kufa ku tile hi kota ya ciwonho; hikwalaho a kufa ku no thapela vanhu vontlhe, hakuva vontlhe va wonhile.” — VA LE ROMA 5:12. *

Nungungulu a nga hi vangelangi ku hi ti tlhatlha kakwe hi ti hanyela ga hina.

A hi vangelwangi a ku ti fumela ha hoce khwatsi hi lezvi hi nga vangelwangiko ku hanya lomu hasi ka mati.

‘A munhu a nga zvi koti ku lulamisa a mazambo yakwe.’ — JEREMIA 10:23.

Nungungulu a nga zvi lavi ku hi xaniseka.

I lava ku hi hanya khwatsi, hi vhika zvikarato kala laha hi to zvi kota.

‘O, loku ku wo khwatsi wa ingisa zvileletelo zva mina! Zvonake a kurula ka wena ku wa ta khulunga ku khwatsi i congo.’ — ISAYA 48:18.