1 Nungungulu i na ni nandzu hi lezvi hi xanisekako?
Hikuyini zvi nga zva lisima a ku tiva lezvo
A vanhu vo tala va ala Nungungulu hakuva ve hi yena a nga ni nandzu wa lezvi va xanisekako.
Ehleketa hi mhaka leyi
Hi ndlela yo kongoma kutani hi gin’wani mahela, a varangeli vo tala va wukhongeli va gondzisa lezvaku Nungungulu hi yena a vangako kuxaniseka loku ku hi welako. Hi cikombiso, a vokari va wula lezvi:
Loku hi welwa hi makhombo ya ntumbuluko ho tsayisiwa hi Nungungulu.
A vanana vafa hi lezvi Nungungulu a lavako ku va maha tingilozi le tilweni.
Nungungulu wa seketela tiyimpi — ci nga cin’we ca zvigelo zva kuxaniseka ka hombe.
Lezvi a varangeli lava va wukhongeli va gondzisako xungetano hi Nungungulu a vo mu hembela ke? Ahati ke loku ku hi lezvaku Nungungulu i va alile?
GONDZA ZVIN’WANI
Sixtira a vhidhio leyi yaku Hikuyini u faneleko ku gonza a Biblia? ka jw.org.
Lezvi a Bhibhiliya gi wulako
Nungungulu a hi yena a hi vangelako kuxaniseka.
Loku ku wa hi yena, zvi wa ta hambana ni matshamela yakwe kota lezvi ma dlunyatiswako lomu ka Bhibhiliya. Hi cikombiso:
“Tontlhe tindlela [ta Nungungulu] ti lulamile; . . . i na ni wunene, i lulamile.” — DEUTERONOME 32:4.
“A kubiha ku le kule na Nungungulu, ni kugoha a ku kona ka Nyamintamu.” — JOBA 34:10.
“Nyamintamu a nga ta tshova nongameto.” — JOBA 34:12.
Nungungulu wa ala a wukhongeli legi gi mu hembelako.
I ala kambe ni wukhongeli legi gi gondzisako ku Nungungulu hi yena a hi vangelako kuxaniseka ni legi gi nge wa seketela tiyimpi ni tihanyi.
‘A vaphrofeti va phrofeta mawunwa vitweni ga mina. A ndzi va rumangi, a ndzi va layangi; a ndzi wulawulangi nchumu kabye. Va phrofeta ka n’wina a miwoniso ya mawunwa ni kuvhumba, a zvilo zva mahala zva kukhohlakala ka timbilu tabye.’— JEREMIA 14:14.
Jesu i no kona a kukhohlisa ka wukhongeli.
“A hi vontlhe lava va nge ngalo ka mina: ‘Hosi, Hosi’, va to nghena Mufun’weni wa matilo, kanilezvi ku ta nghena basi loyi a mahako kurandza ka Papayi wa mina loyi a nga matilweni. A votala va taku ka mina hi siku lego: ‘Hosi, Hosi, a hi phrofetangi hi vito ga wena ke? A hi hlongolangi madhimoni hi vito ga wena ke? A hi mahangi zvihlamaliso zvo tala hi vito ga wena ke?’ Kanilezvi ndzi taku ka vona: ‘A ndzi mu tivi! Sukani ka mina n’wina vamahi va kubiha!’” — MATEWU 7:21-23.
Hi alakanya ku u ta zvi tsakela
ZVIWUTISO ZVI HLAMULIWAKO HI BHIBHILIYA
I nandzu wa Nungungulu lezvi hi xanisekako ke?
A kuxaniseka a ku hlawuli munhu — hambu lava va tsakelwako hi Nungungulu va xaniseka. Hikuyini?
ZVIWUTISO ZVI HLAMULIWAKO HI BHIBHILIYA
Hikuyini Nungungulu a vhumelelako a kudayiwa ka vanhu?
A vanhu vo tala va ti wutisa ku hikuyini a Nungungulu wa lirandzo a vhumelelako a kuxaniseka kontlhe loku. A Bhibhiliya ga nyika mihlamulo yo tsakisa!
A MURINDZELI
Loku hi xaniseka — hi Nungungulu a hi tsayisako?
Xana Nungungulu wa tirisa mababyi ni timhango kasi ku tsayisa vanhu hi kota ya zviwonho zvabye?
