Lihanyo la miri
A Bhibhiliya a hi bhuku gi wulawulako hi ku tira mababyi. Kanilezvi, gi na ni matshinya ya milayo lawa ma nga hi vhunako kuva ni wutomi ga gi nene. Wona matshinya yo kari ya milayo ya Bhibhiliya lawa ma nga ku vhunako ku chukwatisa a lihanyo la miri wa wena.
HLAYISA MIRI WA WENA HI KUKHATALA
TSHINYA GA NAYO GA BHIBHILIYA: “A ku se tshuka kuva ni munhu a nga venga a miri wakwe, kanilezvi wa wu wundla ni ku wu tshotshota”. — Va Le Efesusi 5:29.
LEZVO ZVI WULA YINI? A tshinya legi ga nayo gi hi kuca ku maha lezvi hi nga zvi kotako kasi ku khatalela a lihanyo la miri wa hina. A kambisiso wo kari wu komba lezvaku a zvikarato zvo tala zva miri zvi vangiwa hi ndlela leyi a vanhu va hlawulako ku hanya hi yona. Hikwalaho, loku u hlawula khwatsi u tava ni wutomini ga gi nene.
LEZVI U NGA MAHAKO:
-
Lezvi u gako. Hlawula kuga zvakuga zvi nga ni mavhitamina u tlhela unwa mati yo tala.
-
Tshama hi ku tira. A ku ti olola miri zvi nga chukwatisa a lihanyo la wena ku nga khataliseki a malembe u nga nawo, hambu loku u hi ni wulima go kari kutani mababyi ma kalako ma nga tiriwi. Hambu lezvi a vanghana ni va dhokodhela va nga ha hi vhunako hi mawonela yo kari va tlhela va hi kuca ku ti tololatolola miri, hina wutsumbu hi fanele ku maha co kari kasi hi vhuneka.
-
Etlela zvi enela. A ku nga etleli zvi enela zvi nga hi vangela a mababyi ya hombe. Hi kota ya lezvi a vanhu va zvi hlawulako, a va zvi koti a ku etlela zvi enela. Kanilezvi loku u hlawula ku etlela zvi enela, u hlawula ku hanya a wutomi ga chukwana.
POTSA MIKHUWU YI NGA NI MHANGO
TSHINYA GA NAYO GA BHIBHILIYA: “A hi ti hlazveni ka zvontlhe zvi nyenyezisako a nyama ni moya” — 2 Va Le Korinte 7:1.
LEZVO ZVI WULA YINI? Ha vhuneka hi ku nga hlawuli ku chakisa a miri wa hina hi zvilo zva mhango zvo kota ku dzaha fole, lezvi zvi tivekako kota zvivangelo zva hombe zvi yisako ka mababyi ni kufa.
LEZVI U NGA MAHAKO: Hlawula siku u lavako ku nyima hi gona ku dzaha, u tlhela u gi funga ka kalendari ga wena. Na gi nga se chikela a siku lego, hoxa a masigari, timbangi ni zvin’wani zvi yelanako ni mikhuwo leyi ya mhango. Potsa ku nghena lomu ka matshamu lawa a vanhu va kona va mahako zvilo zvo fana ni lezvo. Byela vanghana ni maxaka ya wena xungetano hi ciboho ca wena co lava ku tsika ku dzaha kasi va ku vhuna.
MAN’WANI MATSHINYA YA MILAYO YA BHIBHILIYA
U nga kuma a kopiya yin’we ya Bhibhiliya ka Vakustumunyu va Jehovha va nga lomu cipandzeni ca wena
KHATALA HI KUHLAYISEKA.
“Loku u aka yindlu ya yiswa u ta yi bhiyela langwa la kona, kasi u nga ti vekeli a nkhata lomu ndlwini ya wena, loku afa munhu hi kuwa lahasi.” — DEUTERONOME 22:8.
U NGA ZANGARI KU HUNDZA MPIMO.
‘Loyi a nonokako ku zangara i na ni kupima; kanilezvi loyi a hatlisako ku zangara i kulisa wupumbu.’ — MAVINGU 14:29.
POTSA KUGA NGUVHU.
‘U nga ti tlhanganisi . . . ge hambu ni lava va nga ni mahlomi kugeni ka nyama.’ — MAVINGU 23:20.
Hi alakanya ku u ta zvi tsakela
KHINDLIMUKA!
Cini litsako la lisine? — Wutomi ga miri ni ku tiva ku yimisana ni zviyimo
Xana lezvo zvi fanele ku hi tsona litsako?
