Wumoya ga hina
Kota lezvi hi nga zvi wona kusanguleni, a vanhu vo tala va wona Bhibhiliya kota bhuku go basa. Vona va zvi wona lezvaku loku va lera va tlhela va tirisa a wusungukati lego, va tshinela kusuhani na Nungungulu niku va zwisisa a kungo gakwe.
Loku a Bhibhiliya giku “wumoya ga hina” gi wula tshamela go kari kutani kutshineleleka ko kari. (Judha 18, 19) A kuhambana ni munhu loyi a kalako a nga lavi ku rangelwa hi Nungungulu a tsumba a maalakanyo yakwe, lava va lavako ku rangelwa hi maalakanyo ya Nungungulu va yi nyika lisima a milayo yakwe. — Va Le Efesusi 5:1.
KUTSUMBA
TSHINYA GA NAYO GA BHIBHILIYA: “Loku wena u rereka sikwini ga khombo, a ntamu wa wena wu tsongwani.” — Mavingu 24:10.
LEZVO ZVI WULA YINI? Loku hi nga hi na kutiya-hlana hi nga vhumala ntamu wu lavekako kasi hi yimisana ni zvikarato zva wutomi. Hi tlhelo gin’wani, a kutsumba ku nga hi nyika a kutiya-hlana ku lavekako. Zvi nga hi chavelela a ku tiva lezvaku a zvikarato lezvi hi kumanako nazvo kuzvilava zva cikhatanyana. Hi lisine hi ta va ni mabhindzu hi ku maha lezvo.
LEZVI U NGA MAHAKO: Alakanyela hi zvilo zva zvi nene lezvi zvi to maheka cikhatini ci tako. Wutshan’wini ga ka ku karateka hi lezvi zvi nga humelelako kutani ku rindzela lezvaku zvontlhe zvi tshamiseka, maha lezvi zvi yelanako ni makungo ya wena. Hakunene, a zvilo zva ku biha ‘zvi dzuka zvi maheka’. (Mutshawuteli 9:11) Hi lisine, zvikhati zvo tala a zvilo zvi nga chukwata a ku hundza lezvi hi zvi alakanyelako. Hi cikombiso, a Bhibhiliya gi tirisa a mufananiso wa murimi. Gi li: ‘Byala a mbewu ya wena na ga hi mixo, ni laha gambyeni u nga humuti a woko ga wena; hakuva a ku zvi tivi lezvaku ku ta mila yihi, leyi kutani liyani, hambu loku ti mila hi wumbiri ga tona.’ — Mutshawuteli 11:6.
MIHLAMULO YA ZVIWUTISO ZVA LISIMA NGUVHU
TSHINYA GA NAYO GA BHIBHILIYA: ‘Ndzi nyike kupimisisa . . . A mhaka ya wena lisine.’ — Tisimu 119:144, 160.
LEZVO ZVI WULA YINI? A Bhibhiliya ga nyika a mihlamulo ya zviwutiso lezvi hontlheni hi ti wutisako. Hi cikombiso, ga hlamula zviwutiso zvo fana ni lezvi:
-
Hi ta hi kwihi?
-
Hi hanyela yini?
-
Zvini zvi humelelako loku munhu afa?
-
A wutomi ga kona hi galegi basi?
A timiliyoni ta vanhu ti chukwatisa a wutomi gabye hiku kambisisa mihlamulo ya Bhibhiliya ya zviwutiso lezvi ni zvin’wani.
LEZVI U NGA MAHAKO: Kambisisa hi wece lezvi a Bhibhiliya gi zvi gondzisako. Kombela Kustumunyu ya Jehovha lezvaku yi ku vhuna ku zwisisa Bhibhiliya. Lava lomu ka saite ya hina ya jw.org, kutani kuya mitlhanganweni ya hina. Ku rambiwa vanhu vontlhe. Hikwalaho tizwi na wu tlhatlhekile.
MAN’WANI MATSHINYA YA MILAYO YA BHBHILIYA:
Wona a vhidhyu Hikuyini u faneleko ku gondza Bhibhiliya? lomu ka jw.org. Yona yi kumeka hi 880 wa tirimi ni kuhundza
TIVA A CILAVEKO CA WENA CA MOYA.
“Va katekile lava va nga ni tora ga ku tiva Nungungulu.” — MATEWU 5:3.
TIVA ZVIN’WANI XUNGETANO HI NUNGUNGULU, A N’WINYI WA BHIBHILIYA.
‘Lavetela Nungungulu . . . kala u mu kuma . . . a nga kule ka mun’we ni mun’wani wa hina.’ — MITIRO 17:27.
LERA BHIBHILIYA U TLHELA U EHLEKETA HI LEZVI U LERAKO.
‘A tsakela a nayo wa Jehovha, * a wu ehleketa mumu ni wusiku. . . . Zvontlhe lezvi a zvi mahako zva vhuvhuma.’ — TISIMU 1:2, 3.
^ nzi. 23 Jehovha i vito ga Nungungulu, hi kuya hi lezvi gi kombisiwako lomu ka Bhibhiliya.
