Hikuyini zvi nga zva lisima a ku tiva hlamulo?
Hikuyini zvi nga zva lisima a ku tiva lezvaku ku na ni Muvangi kutani a nga kona? Loku a zvikombiso zvi ku kholwisa lezvaku hakunene ku na ni Muvangi wa ntamu wontlhe, makunu kuzvilava wa tsakela a ku tiva a zvikombiso zvi kombako lezvaku hi yena Mutumbuluxi wa Bhibhiliya. Loku u kholwa lezvi a Bhibhiliya gi wulako, lezvi zvi landzelako zvi ta ku vhuna.
A wutomi ga wena gi ta tsakisa nguvhu
A BHIBHILIYA GI WULA LEZVI: ‘[Nungungulu] i no mu mahela zvazvinene hi ku mu nisela tivhula hi le tilweni ni ku mu nyika tinguva ta mihandzu, ni zvakuga zvo tala, a tata timbilu ta n’wina hi kutsaka.’ — Mitiro 14:17.
ZVI WULA YINI LEZVO? A zvilo zvontlhe zva zvinene zva ntumbuluko zvinyikiwo hi nyikilweko hi Muvangi. U ta zvi nyika nguvhu lisima a zvinyikiwo lezvo a cikhati leci u to pola lezvi a Munyiki wa zvinyikiwo lezvo a khatalisako zvona hi wena.
U ta kuma wusungukati ga ginene
A BHIBHILIYA GI WULA LEZVI: ‘U ta pima kululama ni kulamula, ina, ni tindlela tontlhe ta zvinene.’ — Mavingu 2:9.
ZVI WULA YINI LEZVO? Nungungulu hi yena Muvangi wa wena, hikwalaho wa zvi tiva lezvi wena u zvi lavako kasi u tsaka. Loku u gondza Bhibhiliya, u ta tiva zvilo zvo tala zvi to ku vhuna wutomini ga wena.
U ta kuma mihlamulo ya zviwutisozva wena
A BHIBHILIYA GI WULA LEZVI: “U ta kuma wutivi ga Nungungulu.” — Mavingu 2:5.
ZVI WULA YINI LEZVO? A ku tiva lezvaku ku na ni Muvangi zvi nga ku vhuna a ku kuma mihlamulo ya zviwutiso zva lisima, zvo kota lezvi: Hi gihi a kungo ga wutomi? Hikuyini hi xanisekako? Zvini zvi humelelako loku hifa? U nga kuma mihlamulo ya lisine ya zviwutiso lezvi lomu ka Bhibhiliya.
U tava ni kutsumba ka cikhatini ci tako
A BHIBHILIYA GI WULA LEZVI: ‘Ndza alakanya lezvi ndzi xuvako ha n’wina, ku wula Jehovha: maalakanyo ya kurula, na ma nga hi ya khombo, lezvaku mu tsumba a masiku ma ha tako.’ — Jeremia 29:11.
ZVI WULA YINI LEZVO? Nungungulu i tsumbisa lezvaku cikhatini ci tako i ta fuvisa a wubihi, ni kuxaniseka, hambu ni kufa. Loku u tsumba a zvitsumbiso zva Nungungulu, zvi ta ku vhuna a ku lwisana ni zvikarato zva siku ni siku hi kutiya.
You May Also Like
KHINDLIMUKA!
Cini litsako la lisine? — Kungo ga wutomi
A ku kuma a mihlamulo ya zviwutiso zva lisima wutomini cipandze ca lisima kasi hiva ni litsako.
