A MURINDZELI — WA CIGONDZO Junho wa 2020
A revhista legi gi na ni tindzima ti to gondziwa kusukela hi 3-30 Agosto wa 2020.
“A vito ga wena a gi basisiwe”
Ndzima ya Cigondzo n.° 23 yi to gondziwa hi vhiki ga 3-9 ka Agosto wa 2020. Ku na ni mhaka yi nga ya lisima nguvhu ka vanhu ni tingilozi. I mhaka muni yaleyo? Kona hikuyini yi nga ya lisima niku hina hi patsekisa kuyini ka yona? A ku tiva mihlamulo ya zviwutiso lezvi ni zvin’wani zvi ta hi vhuna ku tiyisa wunghana ga hina na Jehovha.
“Maha mbilu ya mina yi chava vito ga wena”
Ndzima ya Cigondzo n.° 24 yi to gondziwa hi vhiki ga 10-16 ka Agosto wa 2020. Ka ndzima leyi, hi ta bhula nguvhu hi cipandze ca mukhongelo wa Dhavhidha, wu tsalilweko ka Lisimu 86:11, 12. Zvi wula yini a ku chava a vito ga Jehovha? Hikuyini hi faneleko ku chava a vito legi ga hombe? A kuchava Nungungulu ku hi vhikelisa kuyini loku hi ringiwa ku maha zvobiha?
Zviwutiso zva vagondzi
A matshamela ma nga ka Va Le Galatiya 5:22, 23 hi wona woce ma nga “mihandzu ya moya”?
‘Mina wutsumbu ndzi ta lava tiyivhu ta mina’
Ndzima ya Cigondzo n.° 25 yi to gondziwa hi vhiki ga 17-23 ka Agosto wa 2020. Hikuyini a vokari va tireleko Jehovha hi malembe yo tala va ti hambanisileko ni bandla? Nungungulu i ti zwisa kuyini hi vona? Yi ta tlhela yi wulawula hi lezvi hi nga gondzako ka ndlela leyi Jehovha a nga vhuna hi yona a vanhu vo kari va nga ti hambanisile naye.
“Tlhelelani ka mina”
Ndzima ya Cigondzo n.° 26 yi to gondziwa hi vhiki ga 24-30 ka Agosto wa 2020. Jehovha i lava lezvaku lava va nyimileko ku ti tlhanganisa ni bandla va tlhelela kakwe. Hi nga maha zvotala kasi ku kuca lava va lavako ku vhumela cirambo ca Jehovha caku: “Tlhelelani ka mina.” Ka ndzima leyi hi ta bhula hi lezvi hi nga va vhunisako zvona kasi va tlhelela ka Jehovha.
